Lukas 22:36 - Kaili Ledo

³⁶ Pade nanguli i Yesus, “Nakana tesamiu. Tapi sii-sii isema naria doina bara batutuna kana rakenina. Isema ledo naria gumana kana rapobaluna bajuna raalikana guma.

Lukas 22:36 Iomraidhean Croise

Matius 10:10

Nee rakenimiu batutu rapomboli baku. Nee rakenimiu rontonga baju, sapatu atau toko polipa, sabana topokarajaa masipato ratande ntona nitulungina.

Lukas 22:35

Naupu haitu i Yesus nanguli ka anaguruNa pura-pura, “Bara ipia nituduKu komiu hau mompatolele Kareba Belo lako nte Alatala, bo ledo nidekeiKu komiu manggeni doi bara batutu bara sapatu. Berimba tempo haitu, naria anu nakura nte komiu?” Nesana ira, “Kami ledo nakura nuapa-nuapa.”

Lukas 22:37

Sabana, naria anu nitulisi riara Buku Gasa nanguli, ‘Magau Topepakasalama rareke ntona todaa.’ Anu nitulisi haitu mpuu-mpuu majadi ri karoKu. Apa anu nitulisi ri Buku Gasa anu nombatesa Yaku, nipakadupa sii-sii.”

Lukas 22:38

Pade nanguli anaguruNa, “Pue, siimo guma romata.” Nesana i Yesus, “Naganamo.”

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yohanes 16:33

Pura-pura tesaKu pangane nitesaKu ka komiu ala matinonto raramiu sabana komiu mosangu rara nte Yaku. Ri dunia hitu komiu rapandasa. Tapi pakaroso raramiu! Apa kuasa nadaa ri dunia hitu nidagiKumo!”

1 Tesalonika 3:4

Tempo kami da nosanggani-nggani nte komiu bara ipia, niuli kami mamimo kana maria tona mompandasa kita sabana kita nomparasaya i Yesus. Bo nisanimiu ivesia mpuu najadi.

1 Petrus 4:1

Kristus mboto nombarasai kasusa bo kapari tempo Ia natuvu ri dunia hitu. Jadi haitumo sabana komiu muni kana mompakaroo raramiu ala masadia mombarasai kasusa bo kapari nasimbayu mpo Ia. Apa isema-sema nombarasai kasusa bo kapari ri karona mboto domo nadota novia dosa.