Lukas 22:27 - Kaili Ledo

²⁷ Isema naogepa, tona nonturo nangande, atau tona nosondu ka ia? Natantu naogepa toponturo. Tapi Yaku Tupumiu, naria ri tatangamiu najadi toposondu ka komiu. Jadi ledo masipato komiu masesa mompekirika isema naogepa!

Lukas 22:27 Iomraidhean Croise

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Lukas 12:37

Nabelo mpuu batua haitu ane manjili madikara bo rakavana ira da nemata! Pariaramo! Madika haitu mompasua baju pokarajaa bo ratuduna ira monturo, bo ia mboto mombasondu kandea ka ira!

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.