Lukas 21:8 - Kaili Ledo

⁸ Nesana i Yesus, “Pakabelo-belo! Nee sampe komiu rabagiu. Madea ngena tona makava mompobalu sangaKu. Raulira iramo ‘Magau Topepakasalama.’ Bo raulira muni, nakavamo kaupu nu dunia! Tapi nee raoseakamiu tesara.

Lukas 21:8 Iomraidhean Croise

Matius 24:11

Bo madea nabi mpodava meumba bo madea tona rabagiura.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Matius 4:17

Lako ri tempo haitu nompamulamo i Yesus nompatolele ka tona ivei: “Kajeamo lako ri dosamiu, sabana naparamo tempona Alatala moparenta mpo Magau.”

Lukas 17:23

Tempo haitu, tona manguli ka komiu, ‘Peintamo, moitu Ia’, bara manguli ‘Siimo Ia’. Tapi nee raoseakamiu ira.

Lukas 21:7

Ana-anaguru i Yesus nekutana, “Guru, maipia majadi pura-pura anu nitesaMiu tutu? Nuapa tandana ane maparamo tempona?”

Lukas 21:9

Ane raepemiu kareba posieva bo kagado, nee maviora. Haitu pura-pura kana majadi ntani ruru. Tapi dopa haitu mpuu kaupu nu dunia.”

Yohanes 5:43

Yaku nakava nte komiu ante kuasa nTuamaKu tapi komiu ledo nadota nantarima Yaku. Ane tona ntanina nakava nte komiu ante kuasana mboto, tona haitumo nitarimamiu.

Yohanes 8:24

Haitu sampe niuliKu ka komiu, komiu mamate bo rapopogaa lako nte Alatala sabana dosamiu. NiuliKumo isema Yaku. Ane ledo raparasayamiu tesaKu haitu, komiu mpuu-mpuu mamate bo rapopogaa lako nte Alatala sabana dosamiu.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

1 Korintus 6:9

Jadi, ledo nisanimiu tona ledo nangoseaka dota nu Alatala ledo ntoto manggava bagia riara Poparenta nu Alatala? Nee sampe komiu rabagiu! Tona nokainggu nabuga, tona nompakande tupu-tupu ntanina, tona nobualo, bo tona nompogau simbo langgai atau simbo mombine, ira pura-pura ledo ntoto manggava bagia riara Poparenta nu Alatala.

Efesus 5:6

Jadi, nee komiu rabagiu ntona ante tesa-tesara anu ledo ria gunana, anu nanguli pokainggu ivehaitu ledo nasala. Toramo! Pokainggu ivehaitumo nompopeumba rau rara nu Alatala ka tona ledo natundu nte Ia.

2 Tesalonika 2:3

Nau bara berimba ntoto kareba haitu, nee sampe komiu rabagiu ntona, sabana dopame makava eo haitu, naria rongaya kana majadi ntani ruru. Pamulana, madea mpuu tona moura pomparasayara bo mombasapu Alatala. Bo karongayana, kana meumba Topesapuaka anu ranavusaka riara narakaa bara maipia.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.

2 Yohanes 1:7

Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.

Pompakita 1:3

Masana mpuu tona anu mombabaca tesa-tesa niboto riara buku hitu ka todea, bo masana muni tona mangepe bo mompariara anu nitulisi riarana. Apa domo masae pura-pura kajadia nitesa ri sii mpuu-mpuu kana majadi.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.