Lukas 21:24 - Kaili Ledo

²⁴ Sanu ira rapatesi ante guma. Sanu rasaka ratavani nu balira bo rakeni hau ri ngata-ngata ntanina. Bo ngata Yerusalem raparenta ntona ledo toYahudi sampe magana tempona nipakatantu nu Alatala ka ira.”

Lukas 21:24 Iomraidhean Croise

Lukas 21:25

“Tempo haitu maria tanda-tanda nipokaeka rakitamiu ri mata nu eo, bula, bo ri betue-betue. Pura-pura manusia maeka rarara bo maingu mangepe pogu balumba mbaso ri tasi moruu mpo guru kede.

Roma 11:25

Sampesuvu-sampesuvu sampomparasaya! Ledo mabelo malanga gaga raramiu. Jadi yaku madota ala rasanimiu nia nu Alatala anu dopa nisani nu manusia nggaulu, haitumo, anu majadi nte toYahudi. Sii-sii nadea toIsrael nakaa bagara bo ledo nomparasaya. Tapi kakaa bagara haitu aga sampalai, sampe magana kadea ntona ledo toYahudi anu momparasaya i Yesus.

Ibrani 11:34

Sanu ira nompepaya apu narega mpuu, bo nadea ngganimo ira nikabasaka lako ri tona nasadia mombatimbe ira. Tempo ira nalente, nipakaroso mpanjili. Ira najadi naroso riara posieva sampe nipakulera nombadagi tantara-tantara ntosangatana.

Pompakita 11:2

Tapi nee mureke kaluona doyata ri savaliku BanuaKu, sabana doyata haitu nidekei ka tona ledo nomparasaya i Yesus. Talu-mpae santanga kasaena ira mombakuasai ngataKu Yerusalem.