Lukas 21:12 - Kaili Ledo

¹² Tapi dopame majadi pura-pura haitu, komiu rasaka ntona bo rapandasara. Komiu ratangara ri banua petupu bo rasuaraka riara ntarunggu. Komiu rakeni muni ri ngayo nu magau-magau bo gubernur-gubernur sabana komiu nangoseaka Yaku.

Lukas 21:12 Iomraidhean Croise

Matius 22:6

roara ntanina aga nosaka batua-batua nitudu nu magau haitu pade nibobara bo nipatesira.

Matius 24:8

Tapi kajadia haitu pura-pura aga kasusa pamulana, eva dua kole nirasai mombine tempo moana.

Lukas 21:11

Ri umba-umba ri dunia maria lingu mbaso bo ara mpai bo dua naronja. Ri langi maria kajadia mepakaeka bo tanda-tanda ledo nasaro nikita.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yohanes 15:21

Pura-pura haitu rapoviara ka komiu sabana komiu najadi topangoseaka Yaku, apa ledo nisanira mpuu Alatala anu nantudu Yaku.

Suro-Suro 22:30

Tadulako Magau Mbaso haitu mpuu-mpuu madota mangisani nuapa sabana toYahudi nompakasala i Paulus. Jadi kamailenapa nitudunamo balengga-balengga ntopanggeni pesomba ante pura-pura toPolibu Mbaso Agama masiromu. Bo nipekivolenamo rante i Paulus pade nikenina hau mantingayo polibu haitu.

Suro-Suro 5:40

Bo nipokiora suro-suro mesua mpanjili. Nakava ri sia, suro-suro haitu niporo pade nitagi vai: “Tumo mompatuduki kareba i Yesus ka tona!” Naupu sia pade nikabasakamo.

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Suro-Suro 9:4

Nadunggamo ia bo niepena suara nanguli ka ia, “Saulus, Saulus! Nakuya iko nompandasa Yaku?”

1 Petrus 2:13

Pekoumo nte pura-pura topoparenta nipakatantu nu manusia, sabana haitumo nipodota i Pue. Pekoumo nte magau mbaso apa ia nalangapa nturona.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.