Lukas 20:24 - Kaili Ledo

²⁴ “Popakita ka Yaku sampeka doi.” Naupu sia nidekei ntona haitu sampeka doi. Nekutanamo i Yesus, “Lenje bo sanga isema ri doi hitu?” Nesana ira, “Magau Mbaso Kaisar.”

Lukas 20:24 Iomraidhean Croise

Matius 18:28

Tempo tomaoge haitu nesuvu ri savalikuna, ia nosintomu ante roana anu noinda sakide nte ia. Nikojenamo tambolo roana haitu bo nanguli, ‘Bayari puramo indamu nte yaku!’

Matius 20:2

Nikavana bara sako-ndua topokarajaa bo nasitujumo ira simbo sampeka doi salaka gajira saeo. Naupu sia nituduna ira hau mokarajaa ri taluana.

Matius 22:20

Nekutana i Yesus, “Lenje bo sanga isema nigambara ri doi hitu?”

Markus 12:16

Jadi nikenira mpuumo. Bo nekutanamo Ia, <> Nesanamo ira, <>

Lukas 2:1

Tempo haitu Magau Mbaso Kaisar Agustus nomparenta ala pura-pura sanga ntona riara poparentana ratulisi riara buku sensus ri ngata ntotuara mboto.

Lukas 20:22

Jadi, uli ka kami: nantuntuni atura-atura agamata, masipato kita mombabayari balasitee ka Magau Mbaso Kaisar atau ledo?”

Lukas 20:23

Tapi nisani i Yesus akalara mombaopa tesaNa. Jadi niulikaNa ira,

Lukas 20:25

Nanguli i Yesus ka ira, “Ane ivesia, dekeimo ka Magau Kaisar anu masipato radekei ka Magau Kaisar, bo dekeimo ka Alatala anu masipato radekei ka Alatala.”

Lukas 23:2

Ri sia ira nombarai Ia. Niulikara i Pilatus, “Tona hitu nikava kami nompatuduki tona mangeva pomarenta. NitagiNa tona mombayari balasitee ka Magau Mbaso Kaisar, bo niuliNa Iamo i Kristus, saito Magau.”

Lukas 3:1

Ri kasapulu lima-mpaena poparenta Magau Mbaso Kaisar Tiberius, i Pontius Pilatus najadi gubernur ri bagia Yudea, bo i Herodes noparenta ri bagia Galilea. I Filipus, tuaka i Herodes, noparenta ri propinsi Iturea bo propinsi Trakhonitis, bo i Lisanias noparenta ri bagia Abilene.

Suro-Suro 11:28

Saito ira nosanga i Agabus. Ia neangga ri tatangara bo ante pekeniaka Nosa Gasa nu Alatala, niulina kana majadi ara mpai ri njumangu dunia. (Ara mpai haitu mpuu-mpuu najadi tempo i Klaudius najadi Magau Mbaso).

Suro-Suro 26:32

Nanguli Magau Agripa ka Gubernur Festus, “Ane rapana tona haitu ledo nekitangara ri ngayo nu Magau Mbaso, mamala rakabasakata.”

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.