Lukas 2:40 - Kaili Ledo

⁴⁰ Ngana haitu nantambai kambasona, bo nantambai karosona. Napore katauna bo ia nipotove nu Alatala.

Lukas 2:40 Iomraidhean Croise

Lukas 1:80

Ana i Zakharia haitu, kasae-sae kambaso-mbaso karona bo kanoto-noto rarana. Nambasopa, haumo ia nonturo ranggarava bai, nantongoraka gantana ia mompamula mompatolele tesa nu Alatala ka toYahudi.

Lukas 2:47

Pura-pura tona nangepe Ia nokumaa, sabana natau mpuu Ia nesanaka guru agama.

Lukas 2:52

Kasae-sae nantambaimo kambaso i Yesus bo nantambaimo katauNa, bo nantambai nipotove nu Alatala bo manusia.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Suro-Suro 4:33

Suro-suro ledo naupu-upu nompatolele kareba i Pue Yesus natuvu mpanjili, bo naroso mpuu tesara. Bo Alatala nabelo mpuu nte ira pura-pura.

Efesus 6:10

Kaupuna, komiu kana maroso ante kuasa nitarimamiu lako ri kuasa nTupu anu nabaraka, apa komiu nosangu rara ante Ia.

2 Timotius 2:1

Jadi Timotius, anaku, pakaroso raramu ante petulungi nidekei nu Alatala lako ri kabelo raraNa ka kita anu nosangu rara nte i Yesus Kristus.