Lukas 2:39 - Kaili Ledo

³⁹ Naupu pura-pura anu niparenta nu Alatala riara AturaNa nipovia i Yusuf bo i Maria, nanjilimo ira hau ri ngata Nazaret ri bagia Galilea.

Lukas 2:39 Iomraidhean Croise

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Lukas 1:26

Tempo i Elisabet ono-mbulamo katianana, Alatala nantudu malaekaNa i Gabriel, hau ri ngata Nazaret ri bagia Galilea.

Lukas 1:6

Katuvura njamboko mpuu-mpuu nompakadamba rara nu Alatala, sabana ira njamboko natundu ri pura-pura parenta bo atura nu Alatala.

Lukas 2:4

Ivesia muni i Yusuf. Ia nalai lako ri ngata Nazaret ri bagia Galilea, hau ri ngata Betlehem ri bagia Yudea, ngata pompoanaka Magau Daud, sabana i Yusuf muli Magau Daud.

Lukas 2:51

Naupu haitu, notinggulimo i Yesus nosanggani-nggani nte tina tuamaNa hau ri ngata Nazaret, bo natundu nte totuaNa. Pura-pura anu najadi haitu, niboli ntinaNa riara ntaina.

Lukas 4:16

I Yesus hau ri Nazaret, ri ngata pompakambaso Ia. Nangoseaka kabiasaNa ri eo penonto, Ia nesua ri banua petupu, bo neangga nombabaca isi Buku Gasa.

Lukas 4:23

Nanguli i Yesus ka ira, “Natantu raulimiu porapa hitu ka Yaku: ‘Dokutoro, pakabelo karomu mboto. Ane Komiu mpuu-mpuu nabi, popakitaMiu muni kabarakaMiu ri ngataMiu mboto mpo anu niepe kami nipoviaMiu ri ngata Kapernaum.’