Lukas 2:26 - Kaili Ledo

²⁶ Nosa Gasa haitu nompopaisani ka ia, dopa ia mamate ane dopa rakitana Magau Topepakasalama anu nijanji nu Alatala.

Lukas 2:26 Iomraidhean Croise

Matius 2:12

Naupu haitu, Alatala nompopainga ira riara pangipira, ala nee manjili hau nte Magau Herodes. Jadi nalaimo ira hau manjili ri ngatara mboto nangoseaka dala ntanina.

Lukas 2:29

“Pue, nadupamo pojanjiMiu. Sii-sii yaku, batuaMiu hitu, mamala mamate masana,

Lukas 9:27

Pariaramo! Naria bara sako-ndua komiu ri sii dopa mamate ane dopa rakitara Alatala moparenta mpo Magau.”

Yohanes 1:41

Naliu i Andreas nosinggava nte i Yesus, haumo ia nasalisa nangelo sampesuvuna i Simon bo nanguli, “Kami nosinggava nte Mesias!” (Batuana “Magau Topepakasalama anu nijanji nu Alatala”. Riara basa Yunani “Kristus”.)

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 8:51

Pariaramo tesaKu hitu. Isema-sema mangoseaka tesaKu ledo mamate sampe ri kasae-saena.”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

Ibrani 11:5

Lako ri pomparasaya i Henokh, ia ledo namate tapi nioretaka nu Alatala lako ri dunia hitu. Ia nielo-elo tapi ledo ria nikava ntona sabana ia niore nu Alatala lako ri dunia hitu. Naria tesa ri Buku Gasa nompakalanto dopame i Henokh niore, katuvuna nipodamba nu Alatala.