Lukas 2:11 - Kaili Ledo

¹¹ Bongina hitu ri ngata pompoanaka Magau Daud, nipoanakamo saito magau mompakasalama komiu. Iamo i Pue, anu nipelisi nu Alatala.

Lukas 2:11 Iomraidhean Croise

Matius 1:16

i Yakub nomulika i Yusuf berei i Maria, bo i Maria noanaka i Yesus anu niuli i Kristus, haitumo Magau Topepakasalama anu nijanji nu Alatala.

Matius 1:21

I Maria mompoanaka saito ngana langgai, bo ngana haitu kana mupoposanga Yesus sabana Iamo mompakasalama todeaNa lako ri dosara.”

Matius 16:16

Nesana i Simon Petrus, “Komiu Magau Topepakasalama anu nijanji nu Alatala. Komiu Ana nu Alatala anu natuvu sampe ri kasae-saena.”

Matius 16:20

Naupu haitu, niuliNa ka anaguruNa, “Nee ratesamiu ka tona Yaku hii Magau Topepakasalama.”

Lukas 1:43

Yaku mpuu-mpuu nibila nu Alatala, apa tina nTupuku nakava ri banuaku mboto.

Lukas 1:69

NidekeiNa ka kita saito Magau naroso anu mompakasalama kita. Magau haitu muli Magau Daud, anu natundu nte parenta nu Alatala nggaulu.

Lukas 2:26

Nosa Gasa haitu nompopaisani ka ia, dopa ia mamate ane dopa rakitana Magau Topepakasalama anu nijanji nu Alatala.

Lukas 2:4

Ivesia muni i Yusuf. Ia nalai lako ri ngata Nazaret ri bagia Galilea, hau ri ngata Betlehem ri bagia Yudea, ngata pompoanaka Magau Daud, sabana i Yusuf muli Magau Daud.

Yohanes 1:41

Naliu i Andreas nosinggava nte i Yesus, haumo ia nasalisa nangelo sampesuvuna i Simon bo nanguli, “Kami nosinggava nte Mesias!” (Batuana “Magau Topepakasalama anu nijanji nu Alatala”. Riara basa Yunani “Kristus”.)

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Yohanes 11:27

Nanguli i Marta, “Iyo, Pue. Niparasayakumo Komiu tu Ana nu Alatala, Magau Topepakasalama anu nijanji nu Alatala makava ri dunia.”

Yohanes 20:31

Tapi anu nitulisi riara buku hitu, patujuna ala manggeni komiu momparasaya i Yesus mpuu-mpuu Magau Topepakasalama, Ana nu Alatala. Bo patujuna muni ala komiu mamala manggava katuvua mabelo sampe ri kasae-saena sabana niparasayamiu Ia.

Yohanes 4:25

Nesana vai mombine haitu, “Nisaniku kana makava Magau Topepakasalama anu niuli i Kristus. Ane Ia haitu makava, Ia kana motentei pakalanto mpengaya-ngaya ka kita.”

Yohanes 4:42

Naupu sia, niulikara mombine haitu, “Sii-sii niparasaya kami mpuumo, ledo aga lako ri tesamu tapi niepe kami mbotomo tesaNa. Bo nisani kamimo Ia mpuu-mpuu Magau Topompakasalama manusia.”

Yohanes 6:69

Kami nomparasayamo bo nisani kami, Komiumo ToGasa anu nakava lako nte Alatala.”

Yohanes 7:41

Bo naria muni sanu ira nanguli, “Ia hitumo Magau Topepakasalama anu nijanji nu Alatala!” Tapi naria muni sanu tona nanguli, “Ledo! Magau Topepakasalama ledo makava lako ri bagia Galilea!

Suro-Suro 10:36

Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 13:23

Lako ri muli i Daud, Alatala nompelisi ka toIsrael saito Magau Topepakasalama nangoseaka pojanjiNa nggaulu, haitumo i Yesus.

Suro-Suro 17:3

Lako ri Buku Gasa, nipopakitana ka ira bo nitenteina ka ira Magau Topepakasalama anu nijanji nu Alatala kana rapandasa bo rapatesi, bo matuvu mpanjili lako ri kamateNa. Niulina, “I Yesus nipatoleleku ka komiu, Iamo Magau Topepakasalama nijanji nu Alatala.”

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 5:31

Bo Alatala nompakaoge i Yesus bo nipoponturoNa Ia ri sabingga ngganaNa, bo nidekeiNa ka Ia kuasa momparenta bo mompakasalama kita, ala kita toIsrael radekei loga majea lako ri dosa-dosata bo raampungi.

1 Korintus 15:47

Manusia paratama haitu nipajadi lako ri tana bo nonturo ri dunia hitu. Tapi i Kristus, anu nireke i Adam karanduana, nopuna lako ri suruga.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus

Kolose 2:6

Sampesuvu-sampesuvu, nitarimamiumo i Yesus Kristus najadi Tupumiu. Jadi komiu kana batena matuvu mosangu rara ante Ia.

1 Yohanes 4:14

Ledo aga haitu. Kami ana-anaguru i Yesus nikita kamimo Ia, Ana nu Alatala, bo kami nosabiki Iamo nitudu nTuamaNa Alatala tumai ri dunia majadi Topompakasalama manusia.

1 Yohanes 5:1

Isema-sema nomparasaya i Yesusmo Magau Topepakasalama anu nijanji nu Alatala, iamo nireke ana nu Alatala. Bo isema-sema nompotove Tuamata Alatala, natantu nipotovena muni roa-roana anu najadi ana-ana nu Alatala.