Lukas 19:5 - Kaili Ledo

⁵ Tempo i Yesus nakava ri puna kayu haitu, nitingoaNamo i Zakheus, bo niulikaNa, “Zakheus, panaumo masalisa, apa eo hitu Yaku mesai ri banuamu.”

Lukas 19:5 Iomraidhean Croise

Lukas 19:10

Yaku, Ana nu Manusia, nakava ri dunia hitu ala mangelo bo mompakasalama tona nasalandala.”

Lukas 19:2

Ri ngata haitu naria saito pakeni ntopesingara balasitee, nosanga i Zakheus. Nasugi mpuu ia.

Lukas 19:4

Jadi i Zakheus nangova nokolu bo nompene kayu ri bivi nu dala ala mamala ia mompeinta i Yesus tempo moliu ri sia.

Lukas 19:6

Jadi, nompari-mparimo i Zakheus nanau bo nitarimana i Yesus ante damba rarana.

Yohanes 1:48

Nangepe tesa haitu nanguli i Natanael ka i Yesus, “Berimba sampe nisaniMiu yaku?” Nesanamo i Yesus, “Dopame i Filipus hau nompokio iko, nikitaKumo iko hamai ri puna kayu ara.”

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.

Pompakita 3:20

Peintamo! Hitumo Yaku neangga nombatanede-nede ri vamba. Ane maria tona mangepe suaraKu bo mombabuka vamba, Yaku mesua nte ia bo mangande mosanggani-nggani ante ia.