Lukas 19:39 - Kaili Ledo

³⁹ Naria bara sako-ndua toFarisi ri tatanga ntodea haitu nompongare Ia, “Guru, salaraka anaguruMiu, nee mokanano!”

Lukas 19:39 Iomraidhean Croise

Matius 2:7

Naupu haitu Magau Herodes nompokio tona lako ri mpandakena haitu mosintomu nggalino ante ia, bo nipekutanana pakabelo-belo tempo peonga betue nipeintara haitu.

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Yohanes 12:10

Balengga-balengga ntopanggeni agama nasintuvu mompatesi i Lazarus muni.

Yohanes 12:19

Nanggita haitu, nosimpotesamo toFarisi, “Nidagimo kita! Peinta vei! Pura-pura tona ri dunia hau nangoseaka Ia!”

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.