Lukas 19:38 - Kaili Ledo

³⁸ Niulira, “Maoge belo ka Magau anu nakava niposumba nu Alatala! Ratoiyamo Alatala ri suruga! Ri suruga naria katuvu nabelo!” Mazmur 118:26

Lukas 19:38 Iomraidhean Croise

Matius 2:2

bo nekutanamo ira, “Ri umba Ia, anu majadi Magau ntoYahudi, anu dako nipoanaka? Nikita kami betueNa nebonda ri mpandakena bo kami nakava mombasomba Ia.”

Matius 21:9

Bo todea ri kolu i Yesus ante topetuntuni ri puri nongare-ngare, “Hosana! Ratoiyamo Muli Magau Daud! Maoge belo ka Magau anu nakava niposumba nu Alatala! Ratoiyamo Alatala ri suruga!” Mazmur 118:25-26

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Lukas 13:35

Sabana haitu, Banua nu Alatala rapalaikaNa. Kuuli ka komiu, domo rakitamiu Yaku sampe makava tempona komiu manguli, ‘Maoge belo ka Ia anu nakava niposumba nu Alatala!’”

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

Efesus 1:12

Haitu sampe kami toYahudi anu nokolu nanjarumaka i Kristus masipato mantoiya Alatala sabana kaogeNa anu nipokumaaka!

Efesus 1:6

Alatala novia pura-pura haitu ala ratoiyata Ia. Nelabi mpuu kaoge nu toveNa ka kita! Lako ri kabelo nu raraNa, Ia nompopelabi bayangi toveNa ka kita anu nosangu rara ante AnaNa nipotoveNa.

Efesus 3:10

PatujuNa ala sii-sii pura-pura malaeka bo anu nakuasa ri langi mangisani notoNa nompasiayu mpengaya-ngaya, sabana rakitara niaNa haitu rapakadupa ante todea topomparasaya i Kristus.

Efesus 3:21

Alatala masipato ratoiya ntodea topomparasaya. Ia masipato ratoiya sii-sii bo sampe ri kasae-saena sabana anu nipovia i Yesus Kristus. Amin!

Kolose 1:20

Bo dotaNa muni, AnaNa mompoposinggabelo pura-pura anu nipajadiNa nte Ia. Pura-pura anu nipajadi nu Alatala, nau ri dunia, nau ri suruga, pura-pura nosinggabelo mpanjili ante Ia sabana raa nu AnaNa anu natiti tempo Ia nipatesi ri kayu salib.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.