Lukas 19:26 - Kaili Ledo

²⁶ Nesana madika haitu, ‘Kuuli ka komiu, isema-sema namala raparasaya ante anu nidekei ka ia, kana ratambai ka ia. Tapi isema-sema ledo namala raparasaya, anu naria sakide nte ia ralelakasi lako nte ia.

Lukas 19:26 Iomraidhean Croise

Matius 13:12

Apa isema-sema mantarima bo mangoseaka Tesa nu Alatala, kana ratambaika pangisanina sampe rasanina mpuu patuju nu Alatala. Tapi tona ledo nadota mantarima bo mangoseaka Tesa nu Alatala, masae-sae anu sakide nisanina haitu ralelakasi lako nte ia.

Matius 21:43

Nanguli muni i Yesus ka ira, “Ivesia muni sanu komiu nompoara Yaku. Jadi Kuuli ka komiu, bagiamiu riara Poparenta nu Alatala raala lako nte komiu bo radekei ka tona ntanina anu mangoseaka dota nu Alatala.

Markus 4:25

Isema-sema mantarima bo mangoseaka Tesa nu Alatala, kana ratambaika pangisanina Tesa haitu. Tapi isema-sema ledo mantarima bo mangoseaka Tesa nu Alatala, pangisani anu naria nte ia ralelakasi lako nte ia.>>

Lukas 16:3

Nangepe haitu, nompekirimo topompasiayu kakalumana, ‘Hee, berimbamo yaku hii? Tuaku madota mombakabasaka yaku. Nuapa kupovia ngena? Ane motonggo, domo kupakule. Ane merapi-rapi ri dala, maeya mataku.

Lukas 19:25

Tapi tona pangane nanguli ka madika, ‘Pua, nariamo doina sapulu-mpekana!’

Lukas 8:18

Jadi pariara pakabelo-belo Tesa nu Alatala niepemiu, sabana isema-sema mantarima bo mangoseaka Tesa haitu kana ratambaika pangisanina Tesa haitu. Tapi isema-sema ledo ratarimana bo ledo raoseakana Tesa nu Alatala, pangisani sakide naria nte ia ralelakasi lako nte ia.”

Suro-Suro 1:20

Nanguli vaimo i Petrus, “Riara Buku Mazmur naria tesa nombaboto i Yudas ivei: ‘Banua ponturona majadi sou boa. Domo maria tona monturo riarana.’ Mazmur 69:26 Bo naria muni anu nitulisi ivei: ‘Aginamo pokarajaana raala ntona ntanina.’ ” Mazmur 109:8

2 Yohanes 1:8

Jadi komiu kana mainga! Nee sampe anu nipatuduki kami ka komiu ledo maria aselena. Pasimbukumo mangoseaka pepatuduki nakana ala rakavamiu pura-pura belo nipakasadia nu Alatala ka komiu.

Pompakita 2:3

Komiu mpuu-mpuu nosabara. Komiu nipandasa ntona sabana pomparasayamiu, bo ledo naupu raramiu nangoseaka Yaku.

Pompakita 3:11

Domo masae Yaku makava! Jadi kingisi pakarosomo pepatuduki nipatuduki ka komiu ala komiu manggava hadia padagi lako nte Alatala. Nee sampe maria tona mangago hadia haitu lako nte komiu.