Lukas 18:7 - Kaili Ledo

⁷ Iyapa tona ledo nanoa, nadota nantulungi timbala nerapi nte ia, nemopa Alatala! Natantu ratulungiNa todea nipelisiNa anu nekakai nte Ia eo bongi. Nee rapekirimiu Ia aga nokalera-lera mantulungi ira.

Lukas 18:7 Iomraidhean Croise

Matius 24:22

Rapana tempo pepandasa haitu ledo rapakambuku, natantu nau saitoa tona ledo maria matuvu. Tapi lako ri tove nu Alatala ka todea topomparasaya anu nipelisiNa, tempo pepandasa haitu kana rapakambukuNa.

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Matius 7:11

Nau komiu tona nadosa, nisanimiu nombadekei anu nabelo ka anamiu. Nemopa Alatala, Tuamamiu ri suruga! Natantu Ia muni mombadekei anu nabelo ka isema-sema merapi nte Ia.”

Lukas 11:13

Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

Lukas 2:37

natimbalamo ia. Nau natimbalamo, ledo nipalaisina Banua nu Alatala. Eo bongi ia netupu nte Alatala ante nosambaya bo nopuasa. Tempo haitu i Hana noumuru valupulu bo pata-mpaemo.

Lukas 21:28

Tempo pura-pura kajadia haitu mompamula majadi, peangga pakaroso bo nee makini raramiu, apa domo masae komiu rapakasalama nu Alatalamo.”

Roma 8:33

Isema mabia mompangadu kita anu nipelisi nu Alatala? Ledo ntoto ria! Apa Alatala mboto nanguli kita ledo nasala.

Kolose 3:12

Sampesuvu-sampesuvu, kita nipotove nu Alatala bo nipelisiNa majadi todeaNa nagasa. Haitu sampe kita kana maasi matata manggita roa. Kita kana mabelo rara, maede rara, malusu rara, bo mosabara nte roa.

1 Tesalonika 3:10

Eo bongi kami nerapi nte Alatala ante mpuu-mpuu rara kami ala kami mamala mosinggava nte komiu bo mompatuduki anu dopa nipatuduki ka komiu ala mpuu-mpuu maroso pomparasayamiu.

2 Tesalonika 1:6

Alatala nanoa, jadi rabalasiNa tona anu nompandasa komiu,

1 Timotius 5:5

Timbala anu mpuu-mpuu natuvu saitona bo ledo mpuu naria isema-sema mompiarana, aga natuvu manjarumaka Alatala. Eo bongi ia nosambaya njuu nerapi tulungi nte Ia.

2 Timotius 1:3

Yaku nosukuru nte Alatala anu nisombaku ante rara nagasa, nasimbayu mpo nipovia ntotuaku nggaulu. Yaku nasaro nanguli tarima kasi ka Alatala sabana iko, bo eo bongi yaku nantora iko riara posambayaku.

2 Timotius 2:10

Jadi yaku nombatidamaka mpengaya-ngaya kasusa ala mamala kutulungi tona nipelisi nu Alatala sampe ira muni mamala momparasaya i Yesus Kristus bo rapakasalama bo matuvu mabelo mosanggani-nggani nte Alatala sampe ri kasae-saena.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

1 Petrus 1:1

Sampesuvu-sampesuvu anu nipelisi majadi todea nu Alatala bo nonturo mpo topesovo nasimpotare ri umba-umba ri propinsi Pontus, Galatia, Kapadokia, Asia bo Bitinia: Sura hitu lako nte yaku i Petrus, suro i Yesus Kristus. Kuperapi Alatala mpuu-mpuu mabelo nte komiu bo mompakatinonto raramiu. Komiu nipelisi nTuamata Alatala majadi todeaNa nangoseaka niaNa mboto lako ri lamba pamulana. Bo Nosa Gasa nompakajadi komiu todea nagasa, nipatani ka Alatala, ala komiu matundu nte i Yesus Kristus bo dosamiu raampungiNa sabana raaNa natiti ri kayu salib.

2 Petrus 3:9

Nadea tona nanguli i Pue nokalera nompakadupa pojanjiNa makava mpanjili ri dunia. Tapi Ia ledo nokalera. Ia dopa nakava sabana Ia nosabara nte komiu, Ia madota ala ledo maria saitoa tona rahuku sampe ri kasae-saena. DotaNa, ala pura-pura tona manggava loga majea lako ri dosara.

Pompakita 18:20

Bo nanguli malaeka, “Umbamo komiu toponturo ri suruga! Pakadambamo raramiu! Pakadambamo raramiu todea nu Alatala mosanggani-nggani ante suro-suroNa bo nabi-nabiNa! Sabana, tupu ngata mbaso Babel nihuku nu Alatalamo! NibalasiNamo pokainggura nadaa nte komiu.”

Pompakita 6:10

Ira nongare sanggani ante suara namangga mpuu, “O Pue, Komiu nelabi nakuasa! Komiu nagasa bo nanoa! Sakuyapa kasaena pade ratangaraMiu bo rabalasiMiu tona nadaa ri dunia nompatesi kami?”

Pompakita 7:15

Haitu sampe ira neangga ri ngayo Gadera Kamagaua nu Alatala. Eo bongi ira ledo nenonto netupu bo nombasomba Alatala riara Banua nu Alatala. Bo Alatala anu nonturo ri Gadera KamagauaNa haitu nosanggani-nggani ante ira ala mombalendu ira.