Lukas 18:43 - Kaili Ledo

⁴³ Kaliu-liu namala mpuumo nekita toburo haitu, bo haumo ia nantuntuni i Yesus bo nombatoiya Alatala. Pura-pura todea ri sia anu nanggita kajadia haitu, nantoiya Alatala.

Lukas 18:43 Iomraidhean Croise

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 21:14

Naliu haitu tona naburo bo tona nakejo bo nakoyo nakava nte i Yesus ri Banua nu Alatala. Bo nipakabeloNamo ira.

Matius 9:8

Nanggita kajadia haitu naekamo rara ntodea ri sia. Bo nitoiyara Alatala sabana nidekeiNa kuasa nambaso eva haitu ka manusia.

Lukas 13:17

Tesa i Yesus, nompakaeya topangeva Ia. Tapi tona ntanina nadamba pura nanggita kabaraka nipoviaNa.

Lukas 19:37

Tempo i Yesus napara ri ngata Yerusalem ri dala notua lako ri Bulu Zaitun, pura-pura todea nantuntuni Ia, nompamula nongare-ngare nantoiya Alatala ante damba rara sabana pura-pura kabaraka nikitara.

Lukas 4:39

Jadi hau i Yesus neangga ri sinjori mombine haitu, pade nipopalaiNa dua kokora haitu. Jadi nabelo mpuumo matua i Simon, bo kaliu-liu nembangu ia hau mombakadambanaka ira.

Lukas 5:26

Nanggita haitu, ira pura-pura nokumaa mpuu bo nitoiyara Alatala. Naeka munimo rarara bo niulira, “Nabaraka mpuu kajadia nikitata eo hitu!”

Lukas 9:43

Nanggita kambaso kabaraka nu Alatala haitu, nokumaa mpuu todea ri sia. Todea da nokumaapa nanggita pura-pura anu nipoviaNa. Jadi niulikaNa anaguruNa,

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Galatia 1:24

Bo nitoiyara Alatala sabana anu najadi ante yaku.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.