Lukas 18:23 - Kaili Ledo

²³ Nangepe tesa i Yesus haitu, nasusamo rarana, sabana ia tona nakalumana mpuu.

Lukas 18:23 Iomraidhean Croise

Matius 19:22

Nangepe tesa i Yesus, nalaimo kabilasa haitu ante nasusa rarana, sabana nadea mpuu kakalumanana.

Markus 10:22

Nangepe tesa i Yesus, nakurumo kire ntona haitu bo nalaimo ia ante susa rara, sabana nadea mpuu kakalumanana.

Lukas 12:15

Pade nanguli i Yesus ka todea, “Pakabelo-belo! Nee madamba gaga raramiu ante mbara-mbara, sabana naupa mbara-mbaramiu nadea ledo haitu mompakajadi katuvumiu mabelo.”

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 18:24

Nisani i Yesus nasusa rara ntona haitu. Sia sampe niuliNa, “Nakaja mpuu tona nakalumana matundu nte Alatala bo majadi todeaNa.

Lukas 19:8

Naupu haitu neanggamo i Zakheus ri ngayo ntodea bo nanguli ka i Yesus, “Pue, santanga mbara-mbaraku kudekei ka tona napakasi. Isema-sema nibagiuku, kupopanjili ka ia pata-nggani kadeana.”

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Lukas 8:14

Savua nanavu ranggarui, nirapaka tona nangepe Tesa nu Alatala bo niparasayana. Tapi ira aga nompekirika katuvura ri dunia, ira madota makalumana bo madota matuvu masana ri dunia. Pura-pura haitu nompakabago ira sampe ira ledo napola nangoseaka Tesa nu Alatala bo katuvura ledo naria gunana.

Efesus 5:5

Toramo pakabelo-belo! Tona nosipogau nte tona ledo bereina mboto bo tona nokainggu nabuga ledo ntoto manggava bagia riara Poparenta nu Alatala bo i Kristus. Ivesia muni ante tona nario matana bo ledo ria kabasa-basana, sabana anu niporiona haitu najadi anu nisombana bo haitu nasimbayu kadaana nte topompakande tupu-tupu ntanina.

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus

Kolose 3:5

Sabana haitu, kabasakamo pokainggu-pokainggu anu nopuna lako ri dunia nadaa hitu. Nee mosipogau ante tona ledo bereimiu mboto, nee movia pokainggu anu ledo masipato, nee mangoseaka dota raramiu nabuga bo dota-dota ntanina anu nadaa. Bo nee muni maoge rara manggava melabipa pade tona ntanina, sabana anu nipooge rarata haitumo najadi anu nisombata, bo haitu nasimbayu nte metupu nte tupu ntanina.

1 Yohanes 2:15

Jadi nee mompotove dunia hitu, bo nuapa-nuapa riarana. Isema-sema nompotove dunia hitu, ledo nipotovena Alatala.