Lukas 18:14 - Kaili Ledo

¹⁴ Nanguli i Yesus, “Kuuli ka komiu, tempo ira randua nanjili, topesingara balasitee nitarima nu Alatala, tapi toFarisi ledo. Apa, isema-sema nompakaoge karona mboto, kana rapakaede nu Alatala, tapi isema-sema nompakaede rarana, kana rapakaoge nu Alatala.”

Lukas 18:14 Iomraidhean Croise

Matius 23:12

Isema-sema mompakaoge karona mboto, kana rapakaede nu Alatala, bo isema-sema mompakaede rarana mboto, kana rapakaoge nu Alatala.

Matius 5:3

“Nabelo mpuumo tona nisanina ledo rapakulena mompakasalama karona mboto bo aga nanjarumaka Tupu, sabana iamo najadi todea riara Poparenta nu Alatala.

Lukas 1:52

Magau-magau nakuasa nilelakaNa panggara, bo tona naede rara nipakaogeNa.

Lukas 10:29

Tapi guru agama haitu ledo nadota radagi, nisarumakana nanoamo pokaingguna. Jadi nekutana vai ia nte i Yesus, “Isema singgamanusiaku kana kupotove?”

Lukas 14:11

Isema-sema nompakalanga rarana mboto, kana rapakaede nu Alatala. Bo isema-sema nompakaede rarana mboto, kana rapakaoge nu Alatala.”

Lukas 16:15

Tapi i Yesus nanguli ka ira, “Ri ngayo ntona ntanina, komiu nikita nabelo, tapi nisani nu Alatalamo pura-pura isi rara ntaimiu. Anu nabelo ntoto ri panggita manusia, haitumo nipovuu mata nu Alatala.

Roma 3:20

Ledo ria saitoa tona majadi manoa ri panggita nu Alatala sabana nangoseaka Atura-atura agama. Apa Atura haitu aga nompopaisani ka kita pura-pura manusia nadosa.

Roma 4:5

Tapi ledo ivesia kita ante Alatala. Alatala nombareke kita nanoa, ledo sabana kita nokarajaa nompasimbuku nokainggu nabelo. Tapi kita nireke nanoa sabana kita nomparasaya Alatala anu nompakule nombareke tona nadosa mpo tona ledo nasala. Jadi kita nireke nanoa lako ri pomparasayata.

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

Roma 8:33

Isema mabia mompangadu kita anu nipelisi nu Alatala? Ledo ntoto ria! Apa Alatala mboto nanguli kita ledo nasala.

Galatia 2:16

Tapi nau ivesia, nisani kami manusia nireke nanoa ri panggita nu Alatala ledo sabana nangoseaka Atura-atura agama, tapi sabana pomparasayara i Yesus Kristus. Jadi kami mboto nomparasaya i Yesus Kristus ala majadi manoa ri panggita nu Alatala. Kami najadi nanoa sabana pomparasaya kami i Kristus, ledo sabana nangoseaka Atura-atura agama! Apa ledo ria saitoa majadi manoa ri panggita nu Alatala sabana pangoseakana Atura-atura agama.

Yakobus 4:10

Komiu kana mompakaede raramiu ri ngayo nu Alatala bo Ia mompakaoge komiu.

Yakobus 4:6

Tapi Alatala nombatulungi kita lako ri kabelo nu raraNa. Bo petulungiNa haitu naogepa pade pura-pura anu nipoinota. Haitumo sampe naria tesa nitulisi riara Buku Gasa ivei: “Alatala nangeva tona nalanga rarana, tapi tona naede rarana nipoasiNa.”