Lukas 18:13 - Kaili Ledo

¹³ Tapi topesingara balasitee haitu neangga nakavao nosambaya. Ledo nabia ia nantingoa ri langi. Ia nanjoso rara bo nosapa-sapa bambarana bo nanguli, ‘Alatala, poasimo yaku, apa yaku tona nadosa.’ ”

Lukas 18:13 Iomraidhean Croise

Matius 6:5

“Ane komiu mosambaya, nee moinggu eva tona aga nabelo ri sumba. Nipokonora neangga mosambaya riara banua-banua petupu bo ri tatanga nu dala ala rakita ntodea. Pariaramo tesaKu hitu! Nitarimaramo petoiya ntona bo haitumo tambo nu posambayara. Domo ria ntanina.

Matius 9:13

Koi pegurumo batuana tesa nu Alatala anu nanguli ivei: ‘NipokonoKupa maasi matamiu manggita roamiu pade manggeni binata-binata rapesomba ka Yaku.’ Hosea 6:6 Yaku nakava ri dunia ledo mompokio tona anu nanguli karora nanoa, tapi mompokio tona nadosa majea lako ri dosara.”

Markus 11:25

Bo ane komiu mosambaya, ampungi ntani tona novia sala nte komiu, ala komiu muni raampungi nTuamamiu ri suruga.

Lukas 17:12

Tempo Ia nesua rangata, naria sapulu tona nadua oge nombatomunaka Ia. Ira neangga nggavao

Lukas 22:41

Pade haunapa Ia sakide lako nte ira. Kakavaona nitasere samporempetaka vatu. Ia nantaputu bo nosambaya:

Lukas 23:48

Todea anu nakava nantara pura-pura kajadia haitu nikitara i Yesus namatemo. Jadi nanjilimo ira nosapa-sapa bambarara apa nanjoso rarara.

Lukas 5:8

Tempo i Simon Petrus nanggita haitu, nantaputumo ia ri ngayo i Yesus bo nanguli, “Nee mapara nte yaku, Pue, apa yaku tona nadosa!”

Suro-Suro 2:37

Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”

Roma 5:8

Tapi ledo ivesia tove nu Alatala. Alatala nompopakita kambaso nu toveNa ka kita tempo kita da nadosa. Apa tempo kita da nadosa, i Kristus namate manjambei kita.

2 Korintus 7:11

Kasusa raramiu nombaca suraku bara ipia mpuu-mpuu kasusa rara nangoseaka dota nu Alatala. Peintamo anu najadi! Lako ri kasusa rara nirasaimiu haitu, komiu mpuu-mpuu nadota movia anu nanoa. Niulimiu komiu ledo nosabingga ka tona nompoara kami. Naraumo komiu nompekirika dosa nipovia nu roamiu haitu, bo naekamo raramiu mangoseaka pokaingguna. Nalentoramo raramiu manggita yaku. Nioseakamiumo anu niuliku ka komiu. Nasadiamo komiu nombahuku tona nasala haitu. Riara mpengaya-ngaya nipopakitamiumo komiu ledo nasala riara parakara bara ipia.

1 Timotius 1:15

Naria tesa nanguli ivei: “I Yesus Kristus nakava ri dunia ala mompakasalama tona nadosa.” Tesa haitu nakana bo masipato ratarimata bo raparasayata mpuu. Bo yakumo nelabipa nadosa pade pura-pura tona ntanina.

Ibrani 4:16

Sabana haitu, nee maeka. Kita kana mabia mosinggava nte Alatala riara posambayata apa Alatala nabelo raraNa bo nipotoveNa kita. Ane kita mekitulungi nte Ia, kita rapoasiNa bo ratulungiNa ri tempo niparaluuta.

Ibrani 8:12

Yaku mombaampungi salara, bo dosa-dosara domo Kutora.” Yeremia 31:31-34