Lukas 17:33 - Kaili Ledo

³³ Isema-sema nompasimbuku nangoseaka dotana mboto, bo natuvu ka karona mboto, ledo manggava katuvu mabelo sampe ri kasae-saena. Tapi isema-sema nombakabasaka dotana mboto sabana nangoseaka Yaku, nau ia rapatesi, iamo matuvu mabelo sampe ri kasae-saena.

Lukas 17:33 Iomraidhean Croise

Matius 10:39

Isema-sema batena nangoseaka dota rarana mboto, ledo manggava katuvu mabelo sampe ri kasae-saena. Tapi isema-sema nombakabasaka pura-pura dota rarana mboto sabana nioseakana Yaku, iamo manggava katuvu mabelo sampe ri kasae-saena.

Matius 16:25

Isema-sema mantaamaka dota rarana mboto bo matuvu ka karona mboto, ia ledo manggava katuvua nabelo sampe ri kasae-saena. Tapi isema-sema mombakabasaka dota rarana mboto bo mamate sabana ia nangoseaka Yaku, ia matuvu mabelo sampe ri kasae-saena.

Lukas 17:34

Pariaramo! Tempo Yaku makava, ane randua tona maturu ri sangu paturu bongi haitu, saito raala bo saito maboli.

Yohanes 12:25

Isema-sema aga nompotove katuvuna ri dunia hitu kana malipo katuvuna bara maipia. Tapi isema-sema ledo nompotove katuvuna riara dunia hitu, manggava katuvua mabelo sampe ri kasae-saena.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.