Lukas 17:25 - Kaili Ledo

²⁵ Tapi dopame makava tempona haitu, Yaku kana rapandasa bo rapoara ntona natuvu sii-sii.

Lukas 17:25 Iomraidhean Croise

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Matius 21:42

Nanguli i Yesus ka ira, “Natantu nibacamiumo tesa riara Buku Gasa anu nombatesa Magau Topepakasalama ivei: Vatu nitedeaka ntopovia banua vatu haitumo anu nopokopa ka banua haitu. Haitu nipovia nTupu, bo nabelo mpuu ri panggitata!” Mazmur 118:22-23

Markus 10:33

NiuliNa, <

Markus 12:10

Natantu nibacamiumo tesa riara Buku Gasa anu nanguli ivei:

Markus 8:31

Naliu haitu, nompamulamo i Yesus nompatuduki anaguruNa. <>

Markus 9:31

sabana Ia da nompatuduki anaguruNa. NipatudukiNa ira ivei: <>

Lukas 18:31

I Yesus nompasiromu sapulu randua anaguruNa pade niulikaNa, “Epemo! Sii-sii kita mantende hau ri ngata Yerusalem. Hamai kana madupa pura-pura anu nitulisi nabi-nabi nggaulu, haitumo anu majadi ante Yaku, Ana nu Manusia.

Lukas 18:33

Yaku racambu pakandasa bo rapatesira. Tapi ri eo katataluna Yaku matuvu mpanjili.”

Lukas 24:46

NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

Lukas 9:22

Yaku, Ana nu Manusia, kana rapandasa bo rapoara ntotua ntoYahudi ante balengga-balengga ntopanggeni pesomba bo guru-guru agama. Yaku rapatesi tapi ri eo katataluna Yaku rapakatuvu mpanjili.”

Yohanes 1:11

Ia nakava ri ngataNa mboto, tapi tona ri ngataNa haitu ledo nadota nantarima Ia.

Yohanes 12:38

Haitu najadi ala madupamo tesa nitulisi Nabi Yesaya nggaulu ivei: “Pue, ledo ria tona nomparasaya kareba nikeni kami ka ira! Nau kuasaMiu nipopakita ka ira, ledo muni nipariarara.” Yesaya 53:1