Lukas 17:16 - Kaili Ledo

¹⁶ Ia notungga sampe ri tana ri ngayo i Yesus bo nanguli tarima kasi. Ia mai toSamaria.

Lukas 17:16 Iomraidhean Croise

Matius 10:5

Ira sapulu randua nisuro i Yesus hau manggeni Kareba Belo bo nitevaiNa ivei: “Nee hau ri ngata-ngata ntona ledo toYahudi bara ngata-ngata ntoSamaria.

Matius 2:11

Bo nesuamo ira riara nu banua bo nikitara ngana kodi haitu ante tinana i Maria. Bo nantaputumo ira nombasomba Ia. Naupu haitu nibukaramo peti pomboli kakalumanara, bo nidekeira ka Ia pedekei-pedekeira, haitumo bulava, bo rongaya lana dupa nasuli mpuu alina, haitumo kemenyan bo mur.

Markus 5:33

Nisani nu mombine haitu anu najadi ri karona. Jadi noletemo ia naeka, bo nantaputu ri ngayo i Yesus bo nenoa iamo nanggabe baju i Yesus pangane.

Lukas 17:17

I Yesus nanguli ka ia, “Sapulu tona nipakabeloKu pangane. Ri umbamo sasiopa?

Lukas 5:8

Tempo i Simon Petrus nanggita haitu, nantaputumo ia ri ngayo i Yesus bo nanguli, “Nee mapara nte yaku, Pue, apa yaku tona nadosa!”

Yohanes 4:9

Nanguli mombine toSamaria haitu ka Ia, “Ha! Komiu tu toYahudi, yaku hii toSamaria. Berimba sampe Komiu merapi uve inu lako nte yaku?” Niulina ivesia sabana nabiasa toYahudi ledo nosimpokono ada ante toSamaria.

Yohanes 5:23

ala pura-pura tona mombabila Yaku, AnaNa, nasimbayu mpo pebilara Ia. Isema-sema ledo nombabila Yaku, batuana ia ledo muni nombabila TuamaKu anu nantudu Yaku.

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

1 Korintus 14:25

Pura-pura pekirina anu nitabuniakana riara ntaina rapakalanto sampe ia kana mantaputu mombasomba Alatala bo manguli, “Mpuu-mpuu Alatala naria ri tatangamiu ri sii.”

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Pompakita 4:10

ropulu bo ampa totua haitu nantaputu sampe ri tana ri ngayo nToponturo haitu. Ira nombasomba Ia anu natuvu sampe ri kasae-saena, bo nialara songgo bulava lako ri balenggara mboto bo nituura ri ngayo Gadera Kamagaua nu Alatala, tanda pobilara Ia. Bo niulira ivei:

Pompakita 5:14

Bo nepasiosemo ampa Anu Natuvu haitu, “Amin, nakana mpuu!” Bo nantaputumo totua-totua gahaitu sampe ri tana mombasomba Alatala.