Lukas 16:8 - Kaili Ledo

⁸ Tempo tona nakalumana haitu nangepe anu nipovia ntopompasiayu ledo nanoa haitu, nitoiyanamo topompasiayu haitu sabana natau noakala mangelo katuvu mabelo. Apa tona ledo nosisani nte Alatala natau nompasiayu katuvura nte roara. Nataupa ira pade tona natuvu ri reme nTupu nompasiayu katuvura ka tempo makava.

Lukas 16:8 Iomraidhean Croise

Matius 12:32

Isema-sema nombasalai Yaku, Ana nu Manusia mamala raampungi. Tapi isema-sema mombasalai Nosa Gasa nu Alatala, ledo ntoto raampungi, lako ri eo hitu sampe ri kasae-saena.

Matius 17:26

Nesana i Petrus, “Tantu tupu ngata anu nidagina masipato mombabayari.” Nanguli i Yesus, “Ane ivesia, todeana mboto ledo paraluu mombabayari balasitee haitu. Ivesia muni kita anu najadi todea nu Alatala ledo paraluu mombabayari balasitee ka Banua nu Alatala.

Lukas 16:10

Tona namala niparasaya ante mbara-mbara sakide, namala muni niparasaya ante mbara-mbara nadea. Tapi ane ia ledo nokainggu nanoa ante mbara-mbara sakide, ia ledo mokainggu manoa ante mbara-mbara nadea.

Lukas 16:4

Ha, ivei kupovia! Kupakaluu rara ntona noinda nte tuaku, jadi ane rakabasaka i tua yaku ngena, ratarimara yaku ri banuara.’

Lukas 16:7

Naupu sia, niulikana tona karanduana, ‘Sakuya indamu?’ Nesana tona haitu, ‘Sanjobu karu pae.’ Pade nangulimo topompasiayu haitu, ‘Siimo sura indamu. Tulisimo valu-atu karu.’

Lukas 18:6

Nanguli i Yesus ka anaguruNa, “Pariaramo anu niuli ntopotangara anu ledo nanoa haitu!

Lukas 20:34

Nesana i Yesus, “Tona ri dunia hitu noberei.

Lukas 20:35

Tapi ane tona masipato rapakatuvu nu Alatala mpanjili bo manggava bagia ri dunia nabaru, domo moberei.

Yohanes 12:36

Parasayamo Yaku kamba da naria nosanggani-nggani ante komiu nompakareme dunia ala komiu batena matuvu riara reme.” Naupu i Yesus notesa ivesia, nalaimo Ia lako nte todea bo domo nadota Ia rakitara.

1 Korintus 3:18

Nee mombabagiu karomiu mboto! Ane maria nte komiu tona nompekiri karona mboto napande ri panggita nu manusia, agina ia majadi madoyo ri panggita nu manusia ala ia mpuu-mpuu majadi mapande.

Efesus 5:8

Komiu mboto natuvu ri kalandana bara ipia, tapi sii-sii komiu natuvu ri karemena sabana komiu nosangu rara ante i Pue. Jadi komiu kana matuvu ante pokainggu masipato ka tona anu natuvu ri karemena.

Filipi 3:19

Tona ivehaitu ranavusaka ri narakaa, sabana aga dotara mboto anu nadaa nisombara. Anu nipoeya, haitumo nioera sabana aga anu ri dunia hitu nipekirikara.

1 Tesalonika 5:5

Komiu pura-pura natuvu ri karemena, komiu nokainggu nabelo mpo tona nolipa eona. Kita ledo natuvu ri kalandana, kita ledo mpo tona nokainggu nadaa bongina.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.

1 Yohanes 3:10

Hitumo posisalana ana-ana nu Alatala bo ana-ana Magau nu Seta: isema-sema ledo novia dota nu Alatala bo ledo nompotove sampesuvuna, ia ledo ana nu Alatala.