Lukas 16:5 - Kaili Ledo

⁵ Jadi naupu sia, hau ia nompokio pura-pura tona noinda doi nte tuana. Nanguli ia ka tona paratama, ‘Sakuya indamu nte tuaku?’

Lukas 16:5 Iomraidhean Croise

Matius 18:24

Tempo ia nompamula nomparesa doira, naria saito tomaoge nikeni mantingayo ia. Tomaoge haitu nadea ntoto indana nte magau haitu.

Matius 18:28

Tempo tomaoge haitu nesuvu ri savalikuna, ia nosintomu ante roana anu noinda sakide nte ia. Nikojenamo tambolo roana haitu bo nanguli, ‘Bayari puramo indamu nte yaku!’

Matius 6:12

Bo ampungi sala kami, nasimbayu eva kami muni nombaampungi tona novia sala nte kami.

Lukas 16:4

Ha, ivei kupovia! Kupakaluu rara ntona noinda nte tuaku, jadi ane rakabasaka i tua yaku ngena, ratarimara yaku ri banuara.’

Lukas 16:6

Nesana tona haitu, ‘Saatu gumba nu lana.’ Nanguli topompasiayu haitu, ‘Sii sura indamu. Ponturo ri sii, tulisimo limapulu gumba nu lana.’