Lukas 16:24 - Kaili Ledo

²⁴ Nongaremo tokalumana haitu, ‘Tuamaku, Abraham, poasimo yaku! Tudumo i Lazarus mombalome koya mpalena ri uve pade tumai mombabanggasi dilaku, nandasa mpuu yaku ri mata nu apu hitu.’

Lukas 16:24 Iomraidhean Croise

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 3:9

Nee rapekirimiu, ‘Kami hii muli i Abraham. Pehuku nu Alatala ledo rapambela ka kami.’ Haitu ledo muni nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Lukas 16:30

Tapi nesana tokalumana, ‘Ledopa magana. Tapi ane maria tona namate matuvu mpanjili hau nte ira, tantu ira majea movia dosa.’

Lukas 19:9

Nangulimo i Yesus, “Eo hitu nipakasalamamo komiu sambanua, sabana komiu nomparasaya Alatala, nasimbayu mpo i Abraham totuamiu nggaulu nomparasaya Alatala.

Lukas 3:8

Ane komiu mpuu-mpuu majea, popakitamo ante pokainggu nabelo. Nee rapekirimiu,‘Kita hii muli Nabi Abraham, jadi pehuku nu Alatala ledo rapambela ka kita!’ Haitu muni ledo nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Yohanes 4:10

Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 7:37

Ri eo kaupuna, eo matana posusa haitu, i Yesus neangga ri doyata Banua nu Alatala bo notesa ante suara namangga, “Isema-sema nabai tambolona, kamaimo nte Yaku bo manginu.

Roma 4:12

Bo i Abraham muni rapotuama ntoYahudi, haitumo ira anu ledo aga nangoseaka ada posuna tapi nangoseaka jonjo pomparasaya i Abraham dopame ia nisuna.

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

Yakobus 2:13

Isema-sema ledo naasi matana nanggita roana, Alatala ledo maasi mataNa manggita ia. Ane tona naasi matana nanggita roana, ledo paraluu ia maeka apa ia ledo rahuku nu Alatala.

Yakobus 3:6

Ivesia muni tesa nisovadaka nu dilata. Tesata nasimbayu kadaana ante apu. Dilata nompopesuvu mpengaya-ngaya anu nadaa, nelabipa pade sipa-sipa ntanina ri karota. Tesa-tesa nisovadaka nu dilata nasimbayu mpo apu lako ri narakaa nompakadaa pura-pura katuvuta.

Pompakita 19:20

Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.

Pompakita 22:1

Bo malaeka haitu nompopakita ka yaku, Yohanes, sangu binangga, uvena damo nenggila mpo kaca nevayo. Bo uvena nombadekei katuvua nabelo. Binangga haitu nemata lako ri Gadera Kamagaua nu Alatala bo Ana Bimba,