Lukas 16:2 - Kaili Ledo

² Jadi nipokiona topompasiayu haitu bo niulikana, ‘Natantu mpuu pokainggumu niepeku! Dekei kakumo buku nu doi pokarajaamu nompasiayu kakalumanaku. Domo iko mompasiayu kakalumanaku!’

Lukas 16:2 Iomraidhean Croise

Matius 12:36

Jadi pariaramo! Ri Eo Potangara bara maipiapa, pura-pura tona kana ratangguna mboto pura-pura tesana ledo noguna niulira.

Matius 20:8

Nasolopa eo, nanguli tupu ntalua haitu ka mandorona, ‘Pokio puramo topokarajaa bo bayari puramo gajira mompamula nte tona dako nompamula nokarajaa tinti alima sampe ira anu nokarajaa lako ri mpadondoname.’

Lukas 12:20

Tapi Alatala nanguli ka ia, ‘Heh, todoyo! Bongi hitu iko mamate. Pura-pura anu nipakasadiamu, isema tupuna ngena?’ ”

Lukas 12:42

Nesanamo i Yesus, “Haitu niuliKu ka batua nanoto bo natutu neoseaka. Tona haitu raanggataka nu madikana majadi topompasiayu pura-pura batua ntanina riara banua. Iamo mompasiayu kandea ka batua-batua ntanina eo-eo.

Lukas 16:1

I Yesus notesa porapa hitu ka anaguruNa: “Naria saito tona nakalumana bo naria muni saito topompasiayu kakalumanana. Tokalumana nangepe perai ntona ka topompasiayu haitu, nompakarugi kakalumana nggoo.

Lukas 16:3

Nangepe haitu, nompekirimo topompasiayu kakalumana, ‘Hee, berimbamo yaku hii? Tuaku madota mombakabasaka yaku. Nuapa kupovia ngena? Ane motonggo, domo kupakule. Ane merapi-rapi ri dala, maeya mataku.

Roma 14:12

Jadi, sampesuvu-sampesuvu, kita simbo mantingayo Alatala bo mesana tempo Ia mompekutana anu nipoviata.

1 Korintus 1:11

Niuliku ivesia sabana naria ira lako ri banua i Kloe nanguli ka yaku sanu komiu nosipobali.

1 Korintus 4:2

Bo anu nopoko ka batua, ira kana matutu mangoseaka parenta nu madikara.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

2 Korintus 5:10

Apa kita pura-pura kana mantingayo i Kristus bara maipia ala ratangaraNa. Maupu ratangaraNa, simbo rakavata anu nipakatantu nangoseaka anu nipoviata tempo kita natuvu ri dunia hitu, bara povia nabelo bara povia nadaa.

1 Timotius 4:14

Nee malinga mompake pompakule nidekei nu Nosa Gasa ka iko tempo tona nompasimbayu petevai lako nte Alatala ka iko bo pakeni ntopomparasaya nodika palera ri balenggamu.

1 Timotius 5:24

Naria tona nalantomo dosana nau dopa nitangara. Tapi dosa ntona ntanina damo riara potangara pade nalanto. Jadi nee masara gaga manganggataka tona majadi pakeni ntopomparasaya.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.

1 Petrus 4:5

Tapi makava tempona, ira kana mompangaku poviara nadaa haitu ri ngayo nu Alatala. Bo Alatala nasadiamo mombatangara pura-pura tona, nau tona da natuvu bo muni tona namatemo.

Pompakita 20:12

Bo nikitaku tona namate neangga ri ngayo Gadera haitu, haitumo, tomaoge bo tona biasa, tona namate nalodo rantasi, tona ntanina anu namate janjina, pura-pura tona lako ri ponturo ntomate. Ira pura-pura neangga ri ngayo Gadera Kamagaua nu Alatala haitu. Bo buku-buku nitimpamo bo niparesa. Riara buku-buku haitu nitulisi pura-pura pokainggu ntona namate. Jadi pehuku ka ira nipakatantu nangoseaka pokainggu-pokainggura nitulisi riara buku-buku. Bo naria buku ntanina nitimpa muni anu niuli Buku Katuvua.