Lukas 16:19 - Kaili Ledo

¹⁹ I Yesus nompapola tesaNa ante porapa hitu: “Naria saito tona nakalumana, pakeana mpo pakea nu magau nasuli mpuu alina. Katuvuna eo-eo mpo toposusa.

Lukas 16:19 Iomraidhean Croise

Markus 15:17

Nipasuakara baju magau nakamao ka i Yesus, bo nipoviara muni songgo nu magau lako ri karui bo nipoposonggokara.

Markus 15:20

Naupupa nipongei-ngeikara ivesia, nivonjuramo baju nakamao haitu bo nipopasuakara mpanjili pakeaNa mboto. Pade nikenira hau ri savaliku ngata rapaku ri kayu salib.

Lukas 15:13

Bara sako-eo kaliuna, ngana kaupu haitu nompobalu bagiana pura-pura, bo hau ri ngata nakavao. Hamai ia nompakaupu doina nggoo-nggoo, natuvu nompesana.

Lukas 16:1

I Yesus notesa porapa hitu ka anaguruNa: “Naria saito tona nakalumana bo naria muni saito topompasiayu kakalumanana. Tokalumana nangepe perai ntona ka topompasiayu haitu, nompakarugi kakalumana nggoo.

Lukas 16:18

Pade nanguli munimo i Yesus, “Isema-sema langgai nompogaaka bereina pade noberei nte mombine ntanina, ia nobualo. Bo tona nompoberei mombine nipogaaka, ia muni nobualo.”

Lukas 16:20

Naria saito tona napakasi nidika ntona ri vamba ntona nakalumana. Topakasi haitu nosanga i Lazarus. Ia nabaka njumanggaro.

Pompakita 17:4

Mombine pangane nompake baju nalei nogalo nakamumu anu niparika ante ramba-ramba bulava, mutiara bo vatu-vatu sinji nagaya bo nasuli alina. Ri palena naria sangu boda bulava niisi panginu nadaa bo naruto anu nirapaka pokaingguna nabuga.

Pompakita 18:16

Ira mongare-ngare, “Oranga! Oranga! Nandasa mpuumo tupu ngata mbaso moitu! Tupu ngata Babel nabiasa nompake pakea nipovia lako ri kae nalusu, bo lako ri kae nakamumu bo nalei anu niparika ramba-ramba bulava, vatu-vatu sinji anu nasuli bo mutiara.

Pompakita 18:7

Pakasadia ka ira pepandasa bo kasusa masipato nte pokainggura nompakalanga rara bo mompebasa-basa kasana karora mboto. Sabana, ira bate-batena notesa riara ntaira ivei: ‘Yaku hii natuvu mpo madika. Yaku ledo timbala, bo yaku ledo ntoto mombarasai kasusa bo kapari.’