Lukas 16:16 - Kaili Ledo

¹⁶ Atura-atura agama nidekei Nabi Musa ka kita, bo pepatuduki nu nabi-nabi ntanina rapake sampe peonga i Yohanes Topediu. Nompamula lako ri tempo i Yohanes haitu, Kareba Belo anu notesa Poparenta nu Alatala, nipatolele njuu. Bo tona nompasimbuku mpuu majadi todea nu Alatala.

Lukas 16:16 Iomraidhean Croise

Matius 10:7

Koimo bo patolele ka ira ivei: ‘Naparamo tempona Alatala momparenta mpo Magau.’

Matius 15:11

Anu nesua ri sumba ledo mompakaruto manusia ri panggita nu Alatala. Tapi anu nesuvu lako ri sumba, haitumo anu nompakaruto manusia ri panggita nu Alatala!”

Matius 21:32

Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Matius 4:17

Lako ri tempo haitu nompamulamo i Yesus nompatolele ka tona ivei: “Kajeamo lako ri dosamiu, sabana naparamo tempona Alatala moparenta mpo Magau.”

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Markus 1:14

Naliu i Yohanes Topediu nisuaraka riara ntarunggu, haumo i Yesus ri bagia Galilea mompatolele Kareba Belo lako nte Alatala.

Markus 1:45

Tapi nau nitagi, kana hau nipatolelena kajadia pangane. Nitesana ka tona ri umba-umba sampe i Yesus domo namala nesua rangata. Ia nonturo ri savaliku ngata ri kalinona. Tapi naupa ivesia, todea lako ri umba-umba nakava njuu nte Ia.

Lukas 10:11

‘Komiu nompoara tesa kami, jadi sovu lako ri ngatamiu anu nekantaka ri kada kami ratapai kami ri ngayomiu. Haitu majadi pepatora ka komiu Alatala mompoara komiu. Tapi naupa ivesia, pariaramo! Naparamo tempona Alatala moparenta mpo Magau.’ ”

Lukas 10:9

Pakabelomo tona nadua ri ngata haitu bo ulika ira, ‘Naparamo tempona Alatala moparenta mpo Magau ri tatangamiu.’

Lukas 16:29

Nesana i Abraham, ‘Nariamo Buku Atura Agama nitulisi Nabi Musa bo Buku nu Nabi-nabi nte ira. Dekeikamo ira mangoseaka anu nitulisi riara buku-buku haitu!’

Lukas 16:31

Tapi nesana i Abraham, ‘Ane ledo rapariarara parenta Nabi Musa bo nabi-nabi ntanina, tantu ledo muni raparasayara nau maria tomate matuvu mpanjili!’ ”

Lukas 9:2

NituduNa ira hau mompakabelo tona nadua bo mompatolele kareba Poparenta nu Alatala.

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Yohanes 11:48

Ane kita batena mompalamba Ia ivesia, natantumo pura-pura tona momparasaya Ia ngena! Bo kaupuna tantara nu Magau Mbaso ri ngata Roma makava mombagero Banua nu Alatala bo pura-pura ngatata!”

Yohanes 12:19

Nanggita haitu, nosimpotesamo toFarisi, “Nidagimo kita! Peinta vei! Pura-pura tona ri dunia hau nangoseaka Ia!”

Yohanes 5:4

Apa sanggani-nggani malaeka nu Alatala nanau ri uve kola haitu nompopojompe uvena. Bo isema-sema mokolu mesua riara uve tempo uve haitu nojompe, kaliu-liu nabelo lako ri duana.

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.