Lukas 16:15 - Kaili Ledo

¹⁵ Tapi i Yesus nanguli ka ira, “Ri ngayo ntona ntanina, komiu nikita nabelo, tapi nisani nu Alatalamo pura-pura isi rara ntaimiu. Anu nabelo ntoto ri panggita manusia, haitumo nipovuu mata nu Alatala.

Lukas 16:15 Iomraidhean Croise

Matius 23:5

Pura-pura poviara aga nipovia ala rakita ntona. Peinta pomboli Tesa Gasa anu nipou ri kirera! Bo peinta, nandoe vera ri bivi bajura mompopakita katutura nangoseaka parenta nTupu!

Matius 6:16

“Ane komiu mopuasa nee molenje naburu eva kabiasa ntona aga nabelo ri sumba. Nitunggaira nompakaburu lenjera ala rasani ntodea ira nopuasa. Pariaramo tesaKu hitu! Nikavaramo pura-pura tambo nu puasara haitu. Domo ria ntanina.

Matius 6:2

Rapana ane komiu mombadekei petulungi ka tona napakasi, nee rapatolele poviamiu haitu eva povia ntona anu aga nabelo ri sumba. Ira nombadekei ka tona napakasi ri ngayo ntodea riara banua-banua petupu bo ri dala riara ngata ala rakita bo ratoiya ntona. Pariaramo tesaKu hitu! Petoiya ntona haitumo tambo nitarimara. Domo ria ntanina.

Matius 6:5

“Ane komiu mosambaya, nee moinggu eva tona aga nabelo ri sumba. Nipokonora neangga mosambaya riara banua-banua petupu bo ri tatanga nu dala ala rakita ntodea. Pariaramo tesaKu hitu! Nitarimaramo petoiya ntona bo haitumo tambo nu posambayara. Domo ria ntanina.

Lukas 10:29

Tapi guru agama haitu ledo nadota radagi, nisarumakana nanoamo pokaingguna. Jadi nekutana vai ia nte i Yesus, “Isema singgamanusiaku kana kupotove?”

Lukas 11:39

Haitu sampe i Yesus nanguli ka ia, “Komiu toFarisi nangoseaka ada-ada agama anu nikita ntona, tapi raramiu nadaa bo nainoka mbara-mbara ntona ntanina. Komiu nasimbayu mpo tona notoposi boda bo suraya ri savalikuna tapi riarana bate-batena natagara!

Lukas 18:11

ToFarisi haitu neangga bo nosambaya riara ntaina, ‘Pue, yaku nosukuru nte Komiu sabana yaku hii ledo nasimbayu ante tona ntanina, haitumo topebagiu, tona natenggo rarana, bo tona nobualo. Yaku nosukuru apa yaku ledo nasimbayu ante topesingara balasitee moitu.

Lukas 18:14

Nanguli i Yesus, “Kuuli ka komiu, tempo ira randua nanjili, topesingara balasitee nitarima nu Alatala, tapi toFarisi ledo. Apa, isema-sema nompakaoge karona mboto, kana rapakaede nu Alatala, tapi isema-sema nompakaede rarana, kana rapakaoge nu Alatala.”

Lukas 18:21

Nesana tona haitu, “Pura-pura parenta haitu nioseakakumo lako ri kakodiku.”

Lukas 18:9

I Yesus notesa porapa hitu ka tona nompekiri iramo tona nabelo bo nompandaente tona ntanina.

Lukas 20:20

Jadi nielora loga mabelo mombasaka Ia. Nitudura bara sako-ndua tona hau mompomata i Yesus. Nitunggaira netingu nangelo tesaNa masala, ala i Yesus mamala rakeni rapangadu ri ngayo gubernur.

Lukas 20:47

Nibagiura timbala-timbala ala raalasira banua ntimbala haitu. Bo nitabuniakara pokainggura nadaa ante nosambaya pakandoe. Natantu mantamo mpuu pehuku ka ira ngena!”

Yohanes 2:25

Ledo paraluu tona mompakalanto inggu manusia ka Ia sabana nisaniNa puramo isi rara ntai manusia.

Yohanes 21:17

Bo i Yesus nekutana vai katalu-ngganina, “Simon, ana i Yohanes, nipotovemu mpuumo Yaku?” Nangepe haitu, nasusa mpuumo rara i Petrus, sabana talu-ngganimo i Yesus nompekutana ia. Jadi nesana i Petrus, “Pue, nisaniMiu mpengaya-ngaya. NisaniMiu nipotoveku Komiu.” Nanguli i Yesus, “Ane ivesia, piaramo bimba-bimbaKu.

Suro-Suro 1:18

(I Yudas haitu nangali salimpu tana ante doi nikavana tempo ia nompobalu i Yesus. Ri tana haitu ia nanavu bo namate. Taina nasemparaka sampe isi rarana nesuvu ri savalikuna.

Suro-Suro 1:24

Naupu haitu nosambayamo ira ivei: “Pue, nisaniMiu isi rara ntai manusia pura-pura. Jadi popaisani ka kamimo isema nipelisiMiu lako ri randua tona hitu majadi suro manjambei i Yudas. Apa i Yudas nombakabasaka bagona bo nihuku nangoseaka pokaingguna.”

Suro-Suro 15:8

Bo Alatala anu nangisani isi rara ntai manusia, nantarima tona ledo toYahudi. Nisanita, sabana nidekeiNa Nosa GasaNa ka ira, nasimbayu mpo nidekeiNa ka kita muni.

Roma 3:20

Ledo ria saitoa tona majadi manoa ri panggita nu Alatala sabana nangoseaka Atura-atura agama. Apa Atura haitu aga nompopaisani ka kita pura-pura manusia nadosa.

Roma 8:27

Bo nisani nu Alatala isi rara ntai manusia, bo nisaniNa patuju nu Nosa Gasa haitu, sabana Nosa Gasa nosambaya ka todea nu Alatala, nangoseaka dota nu Alatala mboto.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

1 Petrus 3:4

Tapi kagayamiu kana mopuna lako riara ntaimiu, haitumo lako ri inggumiu nalusu bo natinonto. Haitumo kagayana anu ledo ntoto malipo bo noali mpuu ri panggita nu Alatala.

1 Petrus 5:5

Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34

Pompakita 2:23

Bo ana-anana Kupatesi sampe malanto ka pura-pura topomparasaya, Yakumo anu nomparesa pekiri bo rara ntai manusia, bo Yakumo anu mombabalasi komiu saito-saito nangoseaka pokainggumiu.