Lukas 16:10 - Kaili Ledo

¹⁰ Tona namala niparasaya ante mbara-mbara sakide, namala muni niparasaya ante mbara-mbara nadea. Tapi ane ia ledo nokainggu nanoa ante mbara-mbara sakide, ia ledo mokainggu manoa ante mbara-mbara nadea.

Lukas 16:10 Iomraidhean Croise

Matius 24:45

“Rapana naria batua anu nanoto bo natutu neoseaka, iamo raanggataka nu madikana majadi topompasiayu pura-pura batua ntanina riara nu banua. Iamo mompasiayu kandea ka batua-batua ntanina eo-eo.

Matius 25:21

Nanguli madika, ‘Nabelomo! Komiu batua nabelo, natutu nantui bago anu niparasayaka komiu. Komiu namala niparasaya ante mbara-mbara sakide. Sabana haitu, mbara-mbara nadea kuparasayaka komiu. Kamaimo madamba mosanggani ante yaku.’

Matius 25:23

Nanguli madika, ‘Nabelomo! Komiu batua nabelo, bo natutu nantui bago niparasayaka komiu. Komiu namala niparasaya ante mbara-mbara sakide. Sabana haitu, madea kuparasayaka komiu. Kamaimo madamba mosanggani ante yaku.’

Lukas 19:17

Pade nanguli madika ka batuana haitu, ‘Nabelomo! Iko batua nabelo. Iko namala raparasaya ante mbara-mbara sakide. Sabana haitu, iko Kupajadi topomparenta sapulu ngata.’

Yohanes 12:6

Kakanana ledo tona napakasi nitora i Yudas, tapi aga karona mboto apa ia topelea. Iamo anaguru anu niparasaya nombaboli doira, bo sanggani-sanggani nipeleana doi haitu. Haitu sampe niulina ivesia.

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Yohanes 13:27

Niala i Yudaspa roti haitu, kaliu-liu nesuamo Magau nu Seta riara ntaina. Bo nanguli i Yesus ka i Yudas, “Anu mupovia, poviamo masalisa!”

Ibrani 3:2

Ia natutu novia anu nipakatantu nu Alatala ka Ia nasimbayu mpo Nabi Musa natutu nokarajaa nantulungi todea nu Alatala, anu nirapaka banua nu Alatala.