Lukas 15:8 - Kaili Ledo

⁸ I Yesus nompapola tesaNa ante porapa ntanina ivei: “Rapana maria mombine ante doi salaka sapulu-mpekana. Ane malipo sampeka, nuapa rapoviana? Natantu ratunjuna poindo bo rasaevena banuana mangelo pakabelo sampe rakavana doi nalipo haitu.

Lukas 15:8 Iomraidhean Croise

Matius 5:15

Ivesia muni ante poindo. Ledo ria tona nombatunju poindo bo niloduna ntonda! Natantu poindo haitu rabolina ri kalangana, ala pura-pura tona riara banua ravanta nu remena.

Lukas 15:7

Ivesia muni ri suruga. Ane saito tona nadaa majea, kadamba nu isi suruga naogepa pade kadamba ka siopulu bo sasio tona nanoa anu ledo paraluu majea.”

Lukas 15:9

Ane rakavana doina haitu, rapasiromuna roana bo tona nosadoyata nte ia ivei: ‘Kamaimo kita madamba-damba, sabana doiku nalipo nikavaku mpanjili.’

Lukas 19:10

Yaku, Ana nu Manusia, nakava ri dunia hitu ala mangelo bo mompakasalama tona nasalandala.”

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Yohanes 11:52

Bo ledo aga toYahudi, tapi nibotusina muni i Yesus mamate ka pura-pura ana-ana nu Alatala ntanina ri umba-umba ri dunia, ala ira rapasiromu majadi sangu.

Suro-Suro 19:19

Nadea muni ira anu nompake doa-doa, pakuli, bo pangisani nadaa, nompasiromu buku-buku pangisani nadaa, bo nipalabura ri ngayo ntodea. Ali nu buku-buku haitu, nitasere limapulu njobu doi salaka kadeana.

Efesus 2:17

Haitumo sabana i Kristus nakava nompatolele kareba posinggabelo ka kita pura-pura, haitumo, ka komiu tona ledo toYahudi anu nakavao lako nte Alatala bara ipia, bo muni ka kami toYahudi anu napara nte Alatala.