Lukas 15:2 - Kaili Ledo

² Nanggita haitu, toFarisi bo guru agama nongau. “Hm! Ledo nabelo tona hitu! Ia nosimporoa ante tona nadaa bo nangande singgani nte ira!”

Lukas 15:2 Iomraidhean Croise

Matius 11:19

Yaku, Ana nu Manusia nakava nangande bo nanginu uve anggur eva tona biasa, tapi niuli ntona, ‘Peintamo tona haitu! Nadoko, nalangu, vega ntopesingara balasitee bo vega ntodosa!’ Tapi nau ivesia, nisanita kanoto nia nu Alatala sabana aselena nikita ri pokainggu ntopangoseaka Ia.”

Matius 9:11

Sampanggita haitu, nangulimo bara sako-ndua toFarisi ka anaguru i Yesus, “Nakuya gurumiu nangande nosanggani-nggani ante topesingara balasitee bo tona nadosa?”

Lukas 15:3

Nangepe tesara haitu, nesana vai i Yesus ante porapa hitu ka ira:

Lukas 19:7

Tapi pura-pura tona nanggita i Yesus hau ri banua i Zakheus, nongua-ngua. “Hm, ledo nabelo i Yesus nesai ri banua ntodosa!”

Lukas 5:30

Naria bara sako-ndua toFarisi ante guru agamara. Ledo nadamba rarara nanggita i Yesus hau ri posusa. Niulikara topangoseaka i Yesus, “Nakuya komiu nangande bo nanginu nosanggani-nggani ante topesingara balasitee bo tona nadosa?”

Lukas 7:34

Yaku, Ana nu Manusia nakava nangande bo nanginu mpo tona biasa, bo niulimiu ivei: ‘Peintamo tona haitu! Nadoko, nalangu, vega ntopesingara balasitee bo vega ntodosa!’

Lukas 7:39

Nanggita haitu, nompekirimo i Simon, “Tona hitu ledo nabi. Ane rapana Ia nabi, tantu rasaniNa isema mombine nanggangisi Ia haitu, apa mombine haitu nadosa.”

Suro-Suro 11:3

Niulira, “Nakuya komiu hau ri banua ntona ledo toYahudi? Bo nakuya komiu nangande mpasanggani-nggani nte ira?”

Galatia 2:12

Bara ipia ia ledo nompoposisala toYahudi ante tona ledo toYahudi. Ia nangande nosanggani-nggani ante sampesuvuta sampomparasaya ledo toYahudi. Naupu sia, nakavamo bara sako-ndua roa i Yakobus lako ri Yerusalem. Iramo toYahudi anu nomparasaya i Yesus. Pangulira topomparasaya i Yesus kana rasuna nangoseaka atura agama Yahudi. Nakavapa ira, domo nipeili i Petrus topomparasaya anu ledo toYahudi. Domo nabia ia nangande nosanggani-nggani nte ira, apa naeka ia rasalai ntopomparasaya toYahudi dako nakava haitu.

1 Timotius 1:15

Naria tesa nanguli ivei: “I Yesus Kristus nakava ri dunia ala mompakasalama tona nadosa.” Tesa haitu nakana bo masipato ratarimata bo raparasayata mpuu. Bo yakumo nelabipa nadosa pade pura-pura tona ntanina.