Lukas 15:15 - Kaili Ledo

¹⁵ Pade hau ia nokarajaa ka tona ri ngata haitu. Tona haitu nombatudu ia hau mojaga bavu ri talua.

Lukas 15:15 Iomraidhean Croise

Matius 7:6

Naupu haitu, nanguli i Yesus, “Nee radekei ka asu anu nagasa mbelaka asu aga megoli mombalopo komiu! Bo nee radekei mutiara ka bavu, apa bavu aga mombajeje bayangi mutiara haitu.”

Lukas 15:13

Bara sako-eo kaliuna, ngana kaupu haitu nompobalu bagiana pura-pura, bo hau ri ngata nakavao. Hamai ia nompakaupu doina nggoo-nggoo, natuvu nompesana.

Lukas 15:14

Naupu purapa doina, najadimo kaara mpai ri ngata haitu sampe ia muni napepa.

Lukas 15:16

Naara mpuu taina sampe nau tibo bavu mbeki rakandena. Tapi ledo ria saitoa tona nombadekei kandea ka ia.

Roma 6:22

Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.