Lukas 14:33 - Kaili Ledo

³³ Jadi, ivesia muni ante komiu. Dopame komiu majadi topangoseaka Yaku, kana rapekirimiu ntani ruru. Ane ledo masadia komiu mombakabasaka pura-pura anu naria nte komiu, ledo mamala komiu majadi topangoseaka Yaku.”

Lukas 14:33 Iomraidhean Croise

Lukas 14:26

“Isema-sema madota mangoseaka Yaku, kana rapotovenapa Yaku pade tina tuamana, bereina, ana-anana, sampesuvu-sampesuvuna, bo karona mboto. Ane ledo rapotovenapa Yaku pade ira pura-pura, bo nelabipa pade karona mboto, ledo mamala ia majadi topangoseaka Yaku.

Lukas 14:32

Ane nisanina ledo rapakule nu surudaduna mangevana, natantu da makavao balina, rasuronamo tona hau merapi posinggabelo.

Lukas 5:11

Naupu nangepe tesa i Yesus, nikeniramo sakaya randua haitu hau ri kabatana. Pade nipalaisira pura-puramo anura bo hau nioseakara i Yesus.

Lukas 5:28

Nangepe haitu neanggamo i Lewi bo nipalaisinamo pura-pura bagona bo hau nioseakana i Yesus.

2 Timotius 4:10

apa domo nadea tona nomporoa yaku. I Demas nompalaisi yaku sabana ia aga nompotove katuvuna ri dunia hitu. Nalai rou ri ngata Tesalonikamo ia. Bo i Kreskes rou ri propinsi Galatia, bo i Titus rou ri bagia Dalmatia.

Ibrani 11:26

Niparasayana Magau Topepakasalama anu nijanji nu Alatala makava bara maipia. Nipekirina nabelopa ia rasalai sabana pomparasayana pade manggava pura-pura kakalumana ri Mesir. Nipekirina ivesia sabana ia bate-batena nanjarumaka belo radekei nu Alatala ka ia bara maipia.