Lukas 14:13 - Kaili Ledo

¹³ Ane komiu movia posusa, gagamo tona napakasi, tona nakeru, tona napunggu bo tona naburo.

Lukas 14:13 Iomraidhean Croise

Matius 15:30

Nakavamo todea nte Ia nanggeni roara napunggu, tona naburo, nakejo bo nakoyo, tona nabobo bo nadea tona ntanina anu nadua. Ira nikeni ri ngayo i Yesus bo nipakabeloNa pura.

Matius 22:10

Jadi haumo batua-batuana mompasiromu pura-pura tona raposinggavakara ri dala-dala jama, tona nabelo, bo tona nadaa sampe naponu pura banua posusa haitu ante torata.

Lukas 11:41

Dekeimo ka tona napakasi ante belo rara bo ivesiamo pura-pura majadi magasa ka komiu.

Lukas 14:12

Pade i Yesus notesa ka tupu nu banua ri sia, “Ane komiu mombagaga tona makava mangande ri posusa, bara eona bara bongina, nee ragagamiu roamiu, bara sampesuvumiu bara tona nakalumana nosadoyata nte komiu, apa ragagara mpanjili komiu ngena. Jadi ivesiamo rapoviara mombabalasi pokainggumiu nabelo.

Lukas 14:14

Ane ivesia rapoviamiu, Alatala mombadekei belo ka komiu. Sabana ledo rapakule tona ivehaitu mombabalasi pokainggumiu nabelo. Pokainggumiu nabelo haitu rabalasi nu Alatala tempo tona nanoa rapakatuvu mpanjili lako ri kamatena.”

Lukas 14:21

Batua haitu nanjili manggeni tesara ka tupu nu posusa. Narau mpuu rara ntupu posusa, bo niulikana batuana pangane, ‘Koimo masalisa hau ri ngata, ri dala mbaso bo dala kodi, bo keni tumai tona napakasi, tona nakeru, tona naburo bo tona napunggu!’

Suro-Suro 9:39

Nangepe tesa ntona randua haitu, haumo i Petrus nantuntuni ira hau ri ngata Yope. Nakava ri sia, ia nikeni hau ri tombi ri kalangana haitu. Pura-pura timbala notumangi nantagui i Petrus bo nipopakitara ka ia baju-baju bo pakea nidau i Tabita ka ira tempo ia da natuvu.

1 Timotius 3:2

Tona masipato manggeniaka todea topomparasaya kana mabelo pokaingguna sampe ledo ria pokaingguna nuapa-nuapa rapakasala. Ia aga saito bereina bo nipakulena mombatidamaka dota rarana mboto. Nanoto pekirina bo naria adana. Ia nadamba nantarima torata riara banuana bo nipakulena nompatuduki tona ntanina.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Titus 1:8

Tona raanggataka majadi pakeni ntopomparasaya kana majoi rarana mantarima torata riara banuana, bo nompokono anu nabelo. Ia kana nanoto, nanoa, bo nagasa katuvuna, bo kana rapakulena mombatidamaka dota nu rarana mboto.

Filemon 1:7

Sampesuvuku, nadamba mpuu yaku, bo raraku nipakaroso nangepe pepotovemu ka todea nu Alatala. Bo petulungimu mpuu-mpuu nompakasana rarara!

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.