Lukas 14:12 - Kaili Ledo

¹² Pade i Yesus notesa ka tupu nu banua ri sia, “Ane komiu mombagaga tona makava mangande ri posusa, bara eona bara bongina, nee ragagamiu roamiu, bara sampesuvumiu bara tona nakalumana nosadoyata nte komiu, apa ragagara mpanjili komiu ngena. Jadi ivesiamo rapoviara mombabalasi pokainggumiu nabelo.

Lukas 14:12 Iomraidhean Croise

Matius 5:46

Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

Lukas 1:53

Tona naara, nipakabosuNa sampe nabasa ante mpengaya anu nabelo. Bo tona nakalumana nipopalaiNa ante pale boa.

Lukas 1:58

Tempo roana bo sampesuvuna nangepe kabelo nu Alatala nte i Elisabet, ira pura-pura nadamba sanggani nte ia.

Lukas 14:11

Isema-sema nompakalanga rarana mboto, kana rapakaede nu Alatala. Bo isema-sema nompakaede rarana mboto, kana rapakaoge nu Alatala.”

Lukas 14:13

Ane komiu movia posusa, gagamo tona napakasi, tona nakeru, tona napunggu bo tona naburo.

2 Korintus 6:13

Yaku notesa ka komiu mpo ka ana-anaku mboto: potovemo kami nasimbayu mpo pompotove kami komiu!