Lukas 13:4 - Kaili Ledo

⁴ Toramo tona sapulu uvalu anu namate napara Kola Siloam tempo ira nirumpi nu banua langa. Nee rapekirimiu ira namate sabana nadeapa dosara pade dosa ntoYerusalem ntanina!

Lukas 13:4 Iomraidhean Croise

Matius 18:24

Tempo ia nompamula nomparesa doira, naria saito tomaoge nikeni mantingayo ia. Tomaoge haitu nadea ntoto indana nte magau haitu.

Matius 6:12

Bo ampungi sala kami, nasimbayu eva kami muni nombaampungi tona novia sala nte kami.

Lukas 11:4

Ampungimo dosa kami mpo kami muni nombaampungi pura-pura tona nasala nte kami. Bo nee rapalamba kami rapesori.’ ”

Lukas 13:3

Tantu ledo! Tapi Kuuli ka komiu, ane komiu ledo majea movia dosa, komiu rahuku pura.

Lukas 13:5

Ledo ntoto nakana! Kuuli vai ka komiu sangganipa, ane komiu ledo majea movia dosamiu, natantu komiu pura-pura rahuku muni.”

Yohanes 9:11

Nesana ia, “Tona nosanga i Yesus notoveulusi tana, bo nipinjukiNa sakide tampo haitu, bo nigeseNa ri mataku. Pade nituduNa yaku hau mombadousi mataku ri Kola Siloam. Jadi hau mpuumo yaku bo naupu nendou namalamo mataku nekita.”

Yohanes 9:7

Pade nituduNa, “Koi doupimo matamu ri uve Kola Siloam.” Siloam batuana “Nitudu.” Jadi hau mpuumo toburo haitu. Nakava ri Kola Siloam, nidoupinamo matana. Nanjilipa ia, nekitamo matana.

Suro-Suro 28:4

Nikita ntupu ngata ule haitu noloe ri pale i Paulus, nisarumakara i Paulus mamate. Nosimpotesamo ira, “Natantumo tona moitu topepatesi, apa nau ia nasalamamo lako ri tasi, Viata Topotangara ledo mompalamba ia matuvu.”