Lukas 13:24 - Kaili Ledo

²⁴ “Tona rapakasalama namala nirapaka tona mesua ri vamba napii. Pasimbukumo mesua ri vamba napii haitu. Apa nadea tona mompasimbuku mesua tapi ledo rapakulera.

Lukas 13:24 Iomraidhean Croise

Matius 11:12

Lako ri pamula nu pokarajaa i Yohanes Topediu sampe sii-sii, Poparenta nu Alatala nieva ntona nadaa bo nasese anu madota mombadagina.

Lukas 13:23

Naria tona nakava nekutana nte Ia, “Pue, ledo madea tona rapakasalama?” Nesanamo i Yesus,

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Yohanes 13:33

Ana-anaKu, domo masae Yaku mosanggani-nggani ante komiu. Raelomiu Yaku ngena, tapi ledo rakavamiu. Haitu niuliKu ka pakeni-pakeni ntoYahudi bara ipia, ivesia muni Kuuli ka komiu: ri umba Kukalau komiu ledo mamala metuntuni.

Yohanes 5:4

Apa sanggani-nggani malaeka nu Alatala nanau ri uve kola haitu nompopojompe uvena. Bo isema-sema mokolu mesua riara uve tempo uve haitu nojompe, kaliu-liu nabelo lako ri duana.

Yohanes 6:27

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

Yohanes 7:34

Komiu mangelo Yaku, tapi ledo rakavamiu Yaku. Bo ledo mamala komiu hau ri ponturo Kukalau.”

Yohanes 8:21

Bo nanguli vaimo i Yesus ka todea, “Yaku malai lako ri sii bo raelomiu Yaku, tapi komiu aga rapopogaa lako nte Alatala sabana dosamiu. Komiu ledo mamala hau ri ponturo Kukalau.”

Roma 10:3

Apa ledo nipokonora nantarima cara nu Alatala mompakanoa manusia. Jadi ira ledo nadota nomparasaya i Kristus ala majadi manoa ri panggita nu Alatala. Ira aga nadota nangoseaka carara mboto, haitumo, ira nompasimbuku mangoseaka atura agama apa nisarumakara haitumo mompakanoa ira ri panggita nu Alatala.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

Ibrani 4:11

Sabana haitu, kita kana mompasimbuku ante rarata mpuu-mpuu ala kita mamala menonto mosanggani-nggani ante Alatala. Nee sampe maria tona ledo radekei mombarasai kabelo haitu sabana ledo nomparasaya, evamo najadi nte toIsrael nggaulu.

2 Petrus 1:10

Jadi sampesuvu-sampesuvu, pasimbuku mpuumo mokainggu mabelo ala malanto komiu mpuu-mpuu nipelisi nu Alatala bo nipokioNa majadi todeaNa. Ane inggu-inggu pangane ratambaika pomparasayamiu, natantu ledo ntoto moura pomparasayamiu,