Lukas 12:56 - Kaili Ledo

⁵⁶ Komiu aga tobelo ri sumba! Komiu natau nantasere ravana bo nompetandaina. Nakuya ledo nisanimiu anu nipovia nu Alatala sii-sii?”

Lukas 12:56 Iomraidhean Croise

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 16:3

Bo ane kabobayana langi nalei bo ravana nakulimu, komiu nanguli ‘Maudamo ngena.’ Natau komiu nombatasere ravana tapi ledo natau komiu nombatasere tanda-tanda nipokumaaka anu nipovia nu Alatala sii-sii.

Matius 6:2

Rapana ane komiu mombadekei petulungi ka tona napakasi, nee rapatolele poviamiu haitu eva povia ntona anu aga nabelo ri sumba. Ira nombadekei ka tona napakasi ri ngayo ntodea riara banua-banua petupu bo ri dala riara ngata ala rakita bo ratoiya ntona. Pariaramo tesaKu hitu! Petoiya ntona haitumo tambo nitarimara. Domo ria ntanina.

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.