Lukas 12:48 - Kaili Ledo

⁴⁸ Tapi ane ledo nisani nu batua nuapa nipodota nu madikana bo nipoviana anu nasala sampe masipato rahuku, ia aga raboba sakide. NiuliKu ivesia sabana tona nidekeika nadea, nadea muni ratuntu lako nte ia. Tona niparasayaka nadea, nadea muni rasarumaka lako nte ia.”

Lukas 12:48 Iomraidhean Croise

Matius 13:12

Apa isema-sema mantarima bo mangoseaka Tesa nu Alatala, kana ratambaika pangisanina sampe rasanina mpuu patuju nu Alatala. Tapi tona ledo nadota mantarima bo mangoseaka Tesa nu Alatala, masae-sae anu sakide nisanina haitu ralelakasi lako nte ia.

Matius 23:14

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Komiu nombabagiu timbala-timbala ala raalasimiu banuara. Bo nitabuniakamiu pokainggumiu nadaa haitu ante nosambaya pakandoe. Haitu sampe mantamo mpuu pehuku rapambela ka komiu bara maipia!

Lukas 12:41

I Petrus nekutana, “Pue, porapa haitu nirapaMiu ka kami atau ka todea ntanina muni?”

Lukas 12:49

I Yesus nanguli, “Kakanana Yaku nakava mompapusi manusia ri dunia ante pehuku nu Alatala. Naoge mpuu raraKu rapanakimo apu haitu!

Lukas 16:2

Jadi nipokiona topompasiayu haitu bo niulikana, ‘Natantu mpuu pokainggumu niepeku! Dekei kakumo buku nu doi pokarajaamu nompasiayu kakalumanaku. Domo iko mompasiayu kakalumanaku!’

Yohanes 15:22

Ane rapana Yaku ledo nakava bo ledo nompatuduki ka ira, tantu ira ledo rapakasala sabana dosara. Tapi nakavamo Yaku bo nipatudukimo ira. Jadi domo mamala raulira ledo nisanira pokainggura nadosa.

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

1 Timotius 1:11

Pepatuduki nakana haitu naria riara Kareba Belo anu niparasaya ka yaku mompatolelena, haitumo Kareba Belo lako nte Alatala. Alatala naoge bo masipato ratoiya.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

1 Timotius 6:20

Timotius, jagaimo pakabelo-belo pepatuduki nakana anu niparasaya nu Alatala ka iko ala ledo rabaliki ntona. Nee mompariara tesa ledo ria gunana bo ledo nanggeni kita mangoseaka dota nu Alatala, bo tesa-tesa anu nosisala nte pepatuduki nakana. Tesa-tesa haitu niuli ntona “pangisani”, tano ledo nakana.

Titus 1:3

Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

Yakobus 3:1

Sampesuvu-sampesuvuku, nee madea komiu madota majadi guru agama, apa nisanimiu mantamopa potangara nu Alatala ka guru pade ka tona ntanina.