Lukas 12:45 - Kaili Ledo

⁴⁵ Tapi mandasa mpuu batua haitu ane aga mompekiri riara ntaina ivei: ‘Wee! Da masaepa pade manjili madikaku.’ Bo ia aga nombaboba batua-batua ntanina langgai bo mombine, bo aga mangande manginu bo malimpuno.

Lukas 12:45 Iomraidhean Croise

Matius 22:6

roara ntanina aga nosaka batua-batua nitudu nu magau haitu pade nibobara bo nipatesira.

Lukas 12:44

Pariaramo tesaKu hitu! Madika haitu manganggataka ia majadi topompasiayu pura-pura mbara-mbarana.

Lukas 12:46

Tempo batua haitu movia madaa ivesia, sampesanika madikana manjilimo ri eo bo jaa ledo nisanina. Batua haitu rahuku bo ratedaka ri savalikuna nasimbayu mpo tona ledo natundu nte Alatala.

Lukas 21:34

“Pakabelo! Komiu kana mainga, apa Yaku, Ana nu Manusia, sampesanika makavamo. Nee sampe Kukava komiu aga mosusa bo manginu sampe malangu, atau masesa rara mompekirika katuvumiu eo-eo sampe komiu ledo masadia. Apa Yaku makava nte pura-pura manusia ri umba-umba ri dunia bo kakavaKu masimbayu mpo tolia.

Yohanes 2:10

bo niulikana, “Biasana tona nompatala uve anggur tobelona ntani ruru, bo ane torata nabasamo nanginu pade nipatala ka ira uve anggur biasa. Tapi komiu, nibolimiu uve anggur tobelona sampe sii-sii!”

Suro-Suro 2:18

Sampe batua-batuaKu muni, langgai bo mombine, Kudekeika Nosa Gasa ri tempo nijanjiKu haitu. Bo ira mompasimbayu pura-pura anu Kuuli ka ira.

Roma 16:18

Sabana, tona nokainggu ivehaitu ledo nokarajaa ka Tuputa i Kristus, tapi aga nangoseaka dotara mboto. Tona dopa nisanina belo pepatuduki nakana, nibagiura ante tesa-tesara napande bo namomi.

2 Korintus 11:20

Nosabara mpuu komiu ante pakeni anu nomparenta komiu mpo potudua, atau nompakaupu anumiu, atau nombaakalani komiu, atau nokainggu nasombo nte komiu, atau nosapa lenjemiu!

1 Tesalonika 5:7

Apa tona anu aga namonjo bo nanginu sampe nalangu, namonjo bo nalangu bongina.

2 Petrus 2:13

Ira rabalasi ante kasusa sabana nipakasusara tona ntanina. Nau eona, nadamba guru-guru mpodava novia mpengaya-ngaya nompakaosa dotara nadaa. Ira nangande nosanggani nte komiu mpo tona nabelo, tano pokainggura mpuu-mpuu nepakaeya! Ira aga nadamba nompebasa nangoseaka dota rarara nadaa.

2 Petrus 2:19

Guru-guru haitu nojanji ivei: “Ane raoseakamiu pepatuduki kami, komiu makabasaka lako ri atura-atura! Komiu mamala movia nuapa-nuapa rapodotamiu.” Tapi nau niulira makabasaka, ira mboto nikuasai pokainggu-pokainggu anu nompakarugi manusia. Apa tona nidagi dota rarana nadaa, batuana ia nipobatua nu dota rarana haitu.

Pompakita 16:6

Apa tona gahaitu nompatesi bo nompakatiti raa nu nabi-nabiMiu bo raa ntodeaMiu. Tapi sii-sii Komiu nombabalasi ira ante nompopainu raa ka ira. Masipato mamimo pehuku hitu ka ira!”

Pompakita 18:24

Tupu ngata Babel kana rahuku sabana ri ngata haitumo raa nu nabi-nabi bo todea nu Alatala nipakatitira. Bo raa lako ri kamate ntona ntanina pura-pura anu nipatesi riara dunia hitu kana rapasau ka tupu ngata Babel haitu.