Lukas 12:37 - Kaili Ledo

³⁷ Nabelo mpuu batua haitu ane manjili madikara bo rakavana ira da nemata! Pariaramo! Madika haitu mompasua baju pokarajaa bo ratuduna ira monturo, bo ia mboto mombasondu kandea ka ira!

Lukas 12:37 Iomraidhean Croise

Matius 24:42

Haitu sampe Kuuli, komiu kana mainga, apa ledo nisanimiu maipia makava Tupumiu.”

Lukas 12:43

Mabelo mpuu batua haitu ane tempo madikana manjili, nipovianamo bago niparasaya ka ia.

Lukas 17:8

Ledo ivesia. Natantu aga raulimiu ka ia, ‘Koi pasadia kandeaku. Pasuamo baju nagasa bo sondumo kandeaku. Maupu yaku mangande bo manginu pade iko.’

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Lukas 22:27

Isema naogepa, tona nonturo nangande, atau tona nosondu ka ia? Natantu naogepa toponturo. Tapi Yaku Tupumiu, naria ri tatangamiu najadi toposondu ka komiu. Jadi ledo masipato komiu masesa mompekirika isema naogepa!

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

1 Korintus 2:9

Nau ledo nisani ntopoparenta ri dunia, Alatala nompopaisanina ka kita, evamo nitulisi riara Buku Gasa, “Dopa nikita nu manusia, dopa niepe ntalingara, bo dopa muni nesua ri pekirira pura-pura belo nipakasadia nu Alatala ka tona nompotove Ia.” Yesaya 64:4

Filipi 1:21

Apa, ane yaku matuvu, patujuku mompakaoge i Kristus, bo ane yaku mamate, nelabi belona ka yaku!

Filipi 1:23

Yaku nitaja mpekiri rongaya. Yaku mpuu-mpuu madota mompalaisi dunia hitu hau monturo mosanggani-nggani ante i Kristus, sabana haitumo nabelopa.

2 Petrus 1:11

bo Alatala mboto mantarima komiu ante mabelo riara Poparenta anu naroo sampe ri kasae-saena, haitumo Poparenta nTuputa Yesus Kristus, Topompakasalama kita.

2 Petrus 3:14

Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.

Pompakita 14:13

Naupu haitu niepeku suara lako ri suruga nanguli, “Tulisimo tesa hitu: nompamula sii-sii nabelo mpuumo tona natutu nomparasaya i Pue sampe namate.” Bo nesanamo Nosa Gasa nu Alatala, “Nakana mpuu tutu. Domo rarasaira kasusa bo kapari, bo maria tambo radekei ka ira nangoseaka panggaviara.”

Pompakita 16:15

Bo nangulimo i Yesus, “Pariaramo! Yaku makava ri tempo ledo nisani-sanimiu nasimbayu mpo topangangga. Mabelo mpuu tona batena mainga bo mombajagai pakeana ala tempo Yaku makava ledo maeya matana mpo tona novuloa nelaya ri ngayo ntodea.”

Pompakita 3:21

Isema-sema padagi, ia Kupaloga monturo moparenta mosanggani nte Yaku ri Gadera KamagauaKu, nasimbayu mpo Yaku muni najadi padagi bo sii-sii nonturo bo noparenta nosanggani-nggani nte TuamaKu ri GaderaNa.

Pompakita 7:17

Sabana, Ana Bimba anu naria ri sinjori Gadera Kamagaua nu Alatala haitu nompoevu ira. Ia nombanini ira hau ri mata uve anu nombadekei katuvua nabelo. Bo Alatala mboto nompaisi pura-pura uve mata lako ri matara mombaondopi ira.”