Lukas 12:32 - Kaili Ledo

³² I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Lukas 12:32 Iomraidhean Croise

Matius 14:27

Tapi kaliu-liu nanguli i Yesus ka ira, “Nee maeka! Pakaroso raramiu! Yaku hii!”

Matius 20:16

Bo i Yesus nompakaupu porapa haitu ante nanguli, “Ivesia muni bara maipiapa, tona naede panggana sii-sii majadi tona malanga panggana. Bo nadea muni tona nalanga panggana sii-sii majadi tona maede panggana.”

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.

Matius 7:15

“Komiu kana mainga nte tona nanguli karora nabi tano aga nodava. Ira nakava nte komiu netibelo rara eva bimba nanondo, tano rara ntaira nadaa mpuu eva asulaku nasoa.

Lukas 10:21

Tempo haitu muni Nosa Gasa nu Alatala nombakuasai i Yesus bo Ia nosambaya nte damba raraNa ivei: “Tata, Komiu Tupu nu langi bo tana! Nosukuru mpuu Yaku sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande, apa ivesiamo dotaMiu.”

Yohanes 18:36

Nesana i Yesus, “PoparentaKu ledo nopuna lako ri dunia hitu. Ane rapana Yaku masimbayu nte magau lako ri dunia hitu, natantumo topangoseaka Yaku kana meeva ala Yaku ledo rasaka bo rakeni ka pakeni-pakeni ntoYahudi. Tapi poparentaKu ledo nopuna lako ri dunia hitu.”

Suro-Suro 20:28

Komiu kana mombajagai karomiu mboto. Jagai muni todea topomparasaya, anu niparasayaka Nosa Gasa ka komiu. Komiu kana mompiara todea nu Alatala, nasimbayu mpo topoevu nompiara bimbana. Apa Tuputa Yesus namate bo raaNa natiti mombasompo dosata ala kita majadi todeaNa.

Suro-Suro 20:29

Nisaniku malai yaku lako ri sii, kana makava tona nadaa anu mompakasusa todea anu nipiaramiu, nasimbayu mpo asulaku makava mombabaga bimba.

Roma 6:23

Isema-sema novia dosa manggava tambo, bo tambo haitu kamatea anu mompopogaa ia lako nte Alatala. Tapi pedekei bayangi lako nte Alatala ka kita, haitumo kita matuvu mabelo sampe ri kasae-saena. Kita nanggava pedekei bayangi sabana kita nosangu rara ante Tuputa i Yesus Kristus.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

Filipi 2:13

Apa Alatala mbotomo nokarajaa riara ntaimiu nombadekei ka komiu dota rara bo pompakule mangoseaka dotaNa.

2 Tesalonika 1:11

Haitu sampe kami nasaro nosambaya ka komiu. Kami merapi ala Alatala mombatulungi komiu ala pokainggumiu majadi masipato ka tona nipokio nu Alatala majadi todeaNa. Kami merapi Alatala mombatulungi komiu ante kuasaNa ala pura-pura niamiu movia anu nabelo majadi mpuu, bo pura-pura pokarajaa nipoviamiu sabana pomparasayamiu rapapolamiu sampe maupu.

2 Tesalonika 1:5

Jadi, lako ri karoo nu pomparasayamiu haitu, nisanita Alatala mpuu-mpuu nanoa nombatangara manusia. Komiu nombatidamaka riara kasusa bo kapari anu nambela komiu sabana pangoseakamiu Alatala, bo ivesiamo Alatala nompopakita komiu mpuu-mpuu masipato majadi todea ri PoparentaNa.

Ibrani 12:28

Jadi haitu sampe kita masipato manguli tarima kasi nte Alatala, sabana Ia nombadekei loga ka kita majadi todea riara PoparentaNa bo PoparentaNa haitu ledo ntoto mogoya. Bo kita kana metupu nte Alatala ante cara nipodambaNa. Kita kana mekou nte Ia bo maeka movia anu ledo nipokonoNa.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

2 Petrus 1:11

bo Alatala mboto mantarima komiu ante mabelo riara Poparenta anu naroo sampe ri kasae-saena, haitumo Poparenta nTuputa Yesus Kristus, Topompakasalama kita.

Pompakita 1:6

Kita nipajadiNa todea riara poparentaNa, kita nipajadiNa topanggeni pesomba anu manggeni pesomba ka TuamaNa Alatala. Masipato i Yesus ratoiya bo rabila, bo masipato Ia momparenta sampe ri kasae-saena! Amin!

Pompakita 22:5

Domo maria bongina. Tupu ngata haitu domo paraluu poindo bara reme nu eo mombavanta ira, sabana reme lako nte Alatala mbotomo mombavanta ira. Bo ira momparenta mpo magau sampe ri kasae-saena.