Lukas 12:12 - Kaili Ledo

¹² Apa tempo haitu, Nosa Gasa nu Alatala mboto mompatuduki ka komiu nuapa masipato raulimiu.”

Lukas 12:12 Iomraidhean Croise

Matius 10:19

Ane komiu rakeni ri ngayora, nee makini raramiu mompekirika nuapa raulimiu bara berimba komiu mesana ka ira. Apa ri tempo haitu radekei ka komiu tesa-tesa masipato raulimiu ka ira.

Matius 10:20

Bo tesa-tesa raulimiu ledo tesa lako ri pekirimiu mboto, tapi tesa lako nte Nosa Gasa nTuamamiu Alatala. Iamo mokarajaa riara ntaimiu mompakalanto tesa nuapa masipato ratesamiu.

Lukas 12:13

Saito lako ri todea nanguli ka i Yesus, “Guru, tudumo sampesuvuku mombabagi ka yaku bagiaku lako ri kaboli kakalumana ntuama kami.”

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Suro-Suro 4:8

Jadi i Petrus nikuasai nu Nosa Gasa nu Alatala, bo nesanamo ia, “Totua-totua, pakeni ntodea bo pakeni agama.

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

Suro-Suro 7:55

Tapi i Stefanus nikuasai nu Nosa Gasa nu Alatala, bo nantingoa langi. Nikitana reme nu Alatala. Bo nikitana muni i Yesus neangga ri sabingga nggana nu Alatala.