Lukas 12:10 - Kaili Ledo

¹⁰ Isema-sema nompakadaa Yaku, Ana nu Manusia, mamala raampungi. Tapi isema-sema nombasalai Nosa Gasa nu Alatala, ledo raampungi.

Lukas 12:10 Iomraidhean Croise

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.

1 Yohanes 5:16

Sampesuvu-sampesuvuku, ane rakitamiu roamiu sampomparasaya novia dosa anu ledo mompopogaa ia lako nte Alatala sampe ri kasae-saena, komiu kana mosambaya ka roamiu haitu. Posambayamo ala ia majea bo Alatala mombadekei ka ia katuvu mabelo sampe ri kasae-saena. Tona niuliku hitu, tona novia dosa anu ledo nompopogaa ia lako nte Alatala sampe ri kasae-saena. Naria muni dosa anu nompopogaa tona lako nte Alatala. Ledo paraluu raposambayakamiu tona novia dosa haitu.