Lukas 12:1 - Kaili Ledo

¹ Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Lukas 12:1 Iomraidhean Croise

Lukas 11:44

Mandasa mpuu komiu! Komiu nasimbayu mpo dayo ledo naria tandana. Tona nojeje dayo haitu tapi ledo nisanira naria anu naruto riarana. Komiu nabelo ri savalikuna tapi rara ntaimiu nadaa.”

Lukas 12:56

Komiu aga tobelo ri sumba! Komiu natau nantasere ravana bo nompetandaina. Nakuya ledo nisanimiu anu nipovia nu Alatala sii-sii?”

Lukas 5:1

Naria sanggani i Yesus neangga nompaguru ri tinggi Rano Genesaret. Nadea tona nosiaso madota mangepe tesa nu Alatala.

Lukas 5:15

Tapi kareba povia i Yesus natolele ri umba-umba sampe nadea mpuu tona neonga mangepe tesaNa bo nekipakabelo.

Lukas 6:17

Naupu i Yesus nompelisi anaguruNa, notuamo Ia nosanggani-nggani ante ana-anaguruNa lako ri bulu haitu. Tempo ira natudu ri lembana, nadea mpuu topeoseaka ntanina nompopea ri sia bo nadea muni tona neonga lako ri umba-umba ri bagia Yudea, lako ri ngata Yerusalem, lako ri ngata Tirus bo Sidon ri tinggi ntasi.

Suro-Suro 21:20

Naupu nangepe tesa i Paulus, i Yakobus ante pakeni-pakeni ntanina, nantoiya Alatala. Niulira ka i Paulus, “Sampesuvu, kana rasanimiu nonjobu-njobumo toYahudi nomparasaya i Yesus, tapi ira pura-pura da batena nangoseaka Atura-atura agama anu nipapola Nabi Musa.

1 Korintus 15:3

Nitarimaku kareba nelabi nopoko bo haitumo nipasimbayuku ka komiu. Haitumo, i Kristus namate sabana dosata bo haitu najadi nangoseaka anu nitulisi riara Buku Gasa.

Ibrani 12:22

Tapi ledo ivesia komiu. Komiu nantarima pojanji nu Alatala nabaru, komiu nantingayo Bulu Sion, ngata nu Alatala anu matuvu sampe ri kasae-saena, haitumo ngata Yerusalem ri suruga. Komiu nantingayo nenjobu-njobu malaeka anu nasiromu madamba-damba.

Yakobus 3:17

Tona naria noto pompekirina anu nopuna lako nte Alatala, iamo tona nagasa rarana, ledo ria pokaingguna nadaa. Ia natuvu nosinggabelo ante tona ntanina bo nalusu rarana. Ia ledo nasombo tapi nasadia nantarima tesa lako nte tona ntanina. Naasi mpuu matana nanggita roana napakasi, bo nadea poviana nabelo. Ia ledo nompelenje, bo nanoa rarana.

1 Petrus 2:1

Sampesuvu-sampesuvu, nikavamiumo katuvu nabaru. Sabana haitu, tumo mokainggu nadaa. Nee modava. Nee aga mabelo ri sumba, nee masiriati bo nee mompakadaa tona ntanina.