Lukas 11:52 - Kaili Ledo

⁵² Mandasa mpuu komiu guru-guru agama! Kakanana komiumo masipato mompatuduki tona mosisani nte Alatala. Tapi komiu mboto ledo nadota mosisani nte Alatala, bo komiu nombalava tona ntanina anu madota mosisani nte Alatala.”

Lukas 11:52 Iomraidhean Croise

Matius 22:35

Bo saito ira guru agama nompasimbuku mombaopa tesa i Yesus. Nipekutanana ivei:

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Lukas 11:53

Naupu notesa ivesia nalaimo i Yesus. Nompamula lako ri tempo haitu, nadua mpuu rara nu guru-guru agama bo toFarisi nte Ia. Nipasimbukura mangopa tesa i Yesus ala ratesaNa mpengaya-ngaya,

Suro-Suro 5:40

Bo nipokiora suro-suro mesua mpanjili. Nakava ri sia, suro-suro haitu niporo pade nitagi vai: “Tumo mompatuduki kareba i Yesus ka tona!” Naupu sia pade nikabasakamo.