Lukas 11:29 - Kaili Ledo

²⁹ Todea da nombatagui i Yesus, jadi nipapolaNamo tesaNa ivei: “Nadaa mpuu tona natuvu sii-sii! Niperapira Yaku movia tanda nabaraka ala rasanira Yaku mpuu-mpuu niposumba nu Alatala. Tapi ledo ria tanda rapopakita ka ira. Aga tanda mpo anu najadi nte Nabi Yunus nggaulu rapopakita ka ira.

Lukas 11:29 Iomraidhean Croise

Matius 3:7

Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Lukas 11:16

Naria muni tona madota mombaopa tesa i Yesus. Jadi niperapira tanda nabaraka rapopakitaNa ka ira, ala rasanira Ia mpuu-mpuu niposumba nu Alatala.

Lukas 11:50

Jadi komiu anu natuvu sii-sii rahuku nu Alatala sabana kamate nu nabi pura-pura anu nipatesi lako ri pompajadi duniame.

Lukas 12:1

Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Lukas 9:41

Nangepe haitu, nangulimo i Yesus ka ira, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani nte komiu bo mosabara nte komiu pade raparasayamiu?” Pade nituduNa tuama nu ngana nadua haitu, “Keni tumai anamu!”

Yohanes 2:18

Naupu haitu pakeni-pakeni ntoYahudi nangeva i Yesus bo nanguli, “Kabaraka nuapa rapoviaMu tandana Iko nakuasa nompopalai tona ivesia?”

Yohanes 6:30

Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

1 Korintus 1:22

ToYahudi ledo nadota momparasaya ane ledo rakitara tanda nipokumaaka. Bo toYunani ledo nadota momparasaya ane ledo ratesa ka ira ante kapande nu manusia.