Lukas 11:2 - Kaili Ledo

² Nanguli i Yesus ka ira, “Ane komiu mosambaya, ulimiu ivehitu: ‘Tata, aga Komiu masipato rapetupu bo rapakaoge. Komiumo Magau kami. Perapi Komiu momparenta ri dunia hitu.

Lukas 11:2 Iomraidhean Croise

Matius 10:32

Isema-sema manguli ri ngayo ntona ntanina, ia topangoseaka Yaku, Yaku muni manguli ri ngayo nTuamaKu Alatala ri suruga, ia topangoseaka Yaku.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Lukas 11:1

Naria sanggani i Yesus hau nosambaya. Naupu Ia nosambaya, nangulimo saito anaguruNa, “Pue, patuduki muni kami mosambaya mpo i Yohanes Topediu nompatuduki anaguruna nosambaya.”

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Roma 8:15

Nosa Gasa anu nidekei nu Alatala ka kita, ledo manggeni kita majadi batua sampe kita matuvu ante eka rara. Tapi Nosa Gasa haitu nanganggataka kita majadi ana-ana nu Alatala. Ante pekeniaka Nosa Gasa kita mamala mekakai nte Alatala, <>

1 Korintus 1:3

Kuperapi Tuamata Alatala bo Tuputa Yesus Kristus mombadekei belo ka komiu bo mompakatinonto raramiu.

2 Korintus 1:2

Kuperapi Tuamata Alatala bo Tuputa Yesus Kristus mombadekei belo ka komiu bo mompakatinonto raramiu.

Galatia 1:4

I Yesus nombadekei karoNa rapatesi mombasompo dosata nangoseaka dota nTuamata Alatala. PatujuNa ala Ia mamala mombakabasaka kita lako ri kuasa nu dunia nadaa.

Efesus 1:2

Kuperapi Tuamata Alatala bo i Yesus Kristus bate-batena mabelo nte komiu bo mompakatinonto raramiu.

Filipi 1:2

Kami nerapi Tuamata Alatala bo Tuputa Yesus Kristus mombadekei belo ka komiu bo mompakatinonto raramiu.

Filipi 4:20

Jadi ratoiyata Tuamata Alatala sampe ri kasae-saena. Amin!

1 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Alatala bate-batena mabelo nte komiu bo mompakatinonto raramiu.

2 Tesalonika 2:16

Alatala nompotove kita, bo lako ri kabelo nu raraNa, Ia ledo naupu-upu nompakavoe rarata, bo nidekeiNa ka kita panjarumaka nabelo. Jadi kuperapi Tuputa Yesus Kristus bo Tuamata Alatala mompakavoe bo mompakaroso raramiu ala tesamiu bo pokainggumiu batena nabelo.

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Pompakita 15:4

Pue, pura-pura manusia mekou nte Komiu. Pura-pura tona mombabila bo mombatoiya kaogeMiu, sabana aga Komiu mpuu-mpuu nagasa. Pue, pura-pura tona ri dunia makava mombasomba Komiu, sabana nisanira pura-pura pobotusiMiu nanoa.”

Pompakita 19:6

Naupu haitu niepeku mpo suara ntona dea novoo mpo soo nu uve oge bo mpo moni guru kede. Nongaremo ira, “Toiyamo Alatala! Sabana, Tuputa Alatala nomparenta pura-pura anu naria! Neliu mpuu KakuasaNa!

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.