Lukas 10:37 - Kaili Ledo

³⁷ Nesana guru agama, “Tona naasi matana nantulungi tona haitu.” Nanguli i Yesus, “Koimo, bo povia ivesia muni!”

Lukas 10:37 Iomraidhean Croise

Matius 20:28

masimbayu eva Yaku, Ana nu Manusia. Yaku ledo nakava ri dunia hitu ala ratande ntona, tapi ala mombatulungi tona, bo mombadekei karoKu rapatesi mantolo dosa ntona dea.”

Matius 23:23

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Komiu nombadekei ka Alatala sabagia lako ri sapulu bagia pura-pura aselemiu, nau sampe rampa-rampa. Tapi parenta Atura-atura agama anu nambaso, evamo pokainggu nanoa, mompoasi roa, bo mompakadupa pojanji, haitu ledo nipoviamiu. Kakanana parenta mbasona haitu anu nopoko raoseakamiu, nee muni rakalingasi atura-atura ntanina.

Lukas 10:36

I Yesus nompakaupu tesaNa bo nekutana nte guru agama anu madota mombaopa tesaNa, ivei: “Nantuntuni panggavamiu, lako ri tona tatalu haitu, isema nompotove tona niago pangane?”

Lukas 10:38

Naupu haitu i Yesus ante anaguruNa nompapola polipara, nesai ri sangu ngata. Ri sia naria saito mombine nosanga i Marta nogaga i Yesus hau ri banuana.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Efesus 5:2

Bo komiu kana matuvu mompotove roa, nasimbayu mpo i Kristus nompotove kita. Lako ri toveNa haitu, nidekeiNa karoNa nipatesi ala mombatolosi kita. PoviaNa haitu nompakadamba rara nu Alatala nasimbayu mpo pesomba navangi nisomba ka Ia.

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.